بەشداریی بەربڵاوی کۆمپانیا ئێرانییەکان لە پیشانگای پیشەی بیناسازی لە ھەولێر
بەڕێوەبەری گشتیی نووسینگەی ڕێکخراوەی گەشەی بازرگانیی ئێران بۆ کەرتی عەرەبی و ئەفریقی، باسی بەشداری و ئامادە بوونی ٢٧ کۆمپانیای ئێڕانیی کرد لە پیشانگای نێونەتەوەیی پیشەی بیناسازی، موڵک و ماڵ و سەرمایەنانەوە لە ھەولێری ھەرێمی کوردستان.
«فەرزاد پیلتەن» بەڕێوەبەری گشتیی نووسینگەی ڕێکخراوەی گەشەی بازرگانیی ئێران بۆ کەرتی عەرەبی و ئەفریقی وتی: ٢٧ کۆمپانیای ئێرانی لە بواری کەل و پەلی جۆربەجۆر لە قەواخی «پاڤیۆنی ئێران» لە پیشانگای ھەولێری ھەرێمی کوردستان بەشداریی دەکەن.
بەڕێوەبەری گشتیی نووسینگەی ڕێکخراوەی گەشەی بازرگانیی ئێران بۆ کەرتی عەرەبی و ئەفریقی وتیشی: ئەم کۆمپانیاگەلە بە پیشاندانی توانایی خۆیان بە ھەڵسوڕاوانی ئابووری و بازرگانانی عێراقی لەم بوارەدا، بازاڕی عێراق و بە تایبەت ھەولێر تاوتوێ دەکەن.
«پاڤیۆنی ئێران» لە پیشانگای ھەولێر، بە مۆڵەتی ڕێکخراوەی گەشەی بازرگانیی ئێران و ھاوکاریی سندوقی گەشەی سەربە وەزارەتی دەرەوەی ئێران بەرپا دەکرێت.
ئەم پیشانگایە لە شانزەھەمەوە ھەتا ١٩ی خەرمانانی ئەمساڵ لە شوێنی پیشانگا نێونەتەوەییەکانی ھەولێر لە ھەرێمی کوردستان بەرپا دەکرێت.
