به‌ره‌به‌یانىی ئه‌مڕۆ لیستى موچه‌ی مانگی حەوتی هەرێم ڕه‌وانه‌ى به‌غدا کرا
به‌ره‌به‌یانى ئه‌مڕۆ لیستى موچه‌ى فه‌رمانبه‌رانیان بۆ مانگى ته‌موز (مانگى حه‌وت) ڕه‌وانه‌ى وه‌زاره‌تى دارایی عێراق کراوه، سه‌رچاوه‌یه‌کیش له‌و ه‌زاره‌تى داراییه‌وه زانیاریى زیاتری له‌و باره‌یه‌وه خستۆتە بەردەست.
سه‌رچاوه‌یه‌کى وه‌زاره‌تى دارایی حکومه‌تى هه‌رێم ئاشکرای کردوه، دوای چارەسەرکردنی هەموو گرفتەکان، بەرەبەیانی ئەمڕۆ یەکشەممە لیستی موچەی مانگی حەوتی فەرمانبەران و موچەخۆرانی هەرێمیان بۆ بەغدا بەڕێکردوه و شێوازى ناردنه‌که‌ش بە سیدی و کاغەز بووه و گەیشتوه‌ته ده‌ستى وه‌زاره‌تى دارایی عێراق.
له‌وباره‌یه‌وه دوکتۆر شێروان دوبەردانی په‌رله‌مانتارى پارتى له به‌غدا ئاشکرای کردوه، بڕیارە ئەم هەفتەیە لە عێراق دەست بە دابەشکرانی موچەی مانگی حەوت بکرێت، بەدڵنیاییەوە دوای گەیشتنی لیستی موچەخۆرانی هەرێم بە وەزارەتی دارایی عێراق، ڕاستەوخۆ وردبینی دەستپێدەکات و پاشان تەمویل دەنێردرێ، چونکه مانگی ڕابردوویش دارایی عێراق لە 23ی 6ى 2024 دا دەستی بە دابەشکردنی موچەی مانگی شەشی دامودەزگاکانی عێراق کرد.
