سەرۆک وەزیرانی هەرێمی کوردستانی عێراق بەئاماژە بەوەی کە ئەو هەرێمە نایەوێ تێوەگلاوی ململانێ و پێکدادانە ناوچەییەکان ببێ، پێی داگرت: هەموو هەوڵمان لەسەر ئەوە چڕ دەکەینەوە کە بەدور بین لە هەرچەشنە گرژیی و نائارامییەک.

مەسرور بارزانی سەرۆک وەزیرانی هەرێمی کوردستانی عێراق هەروەها وتی: بۆ هێشتنەوەی چەک تەنیا لە دەستی هێزە فەرمییەکاندا، پشتگری بڕیاری حکومەتی عێراق دەکەین و هیچ لایەنێک گوشاری نەخستووینەسەر بەشداری شەڕ بین و نامانەوێ لایەنێکی شەڕ و پێکدادانەکانی ناوچە بین.

وتیشی: ئەوەی وا ئێمە پێوشوێنی دەگرین پاراستن و بەدوور گرتنی هەرێمە لە هەرچەشنە ململانێ و تێکهەڵچوونی سەربازیی.

سەرۆک وەزیرانی هەرێمی کوردستانی عێراق هەروەها وتی کە هیچ پەیوەندییەکمان لەگەڵ ئیسرائیلدا نیەو سیاسەتی دەرەوەیی لە دەسەڵاتی حکومەتی ناوەندیی دایە. 

وتیشی: لە دە ساڵ لەمەوبەرەوە هیچ سەربازێکی ئەمریکی لە بنکەی ئاسمانیی حەریر ئامادە نیە.

ناوبراو لە بەشێکی دیکەی قسەکانیدا وتی کە هەرێم پەیوەندیی باشی لەگەڵ دیمەشقدا هەیە کە خەریکە بەرەوپێش دەچێ و پەیوەندیی لەگەڵ تورکیاش زۆر باش و داڕێژراو لەسەر بنەمای هاوکاریی و هەماهەنگییە.