ڕووداوەکانی جیهان لەسەد چرکەدا 21-01-2025 / کوژرانی زایۆنیستێک لە قلقلییە
کاتی بڵاوبوونەوە: 13:30
01
کوژرانی زایۆنیستێک لە قلقلییە
میدیاکانی رژێمی زایۆنی: لە جەنگەی پەلاماری شارۆچکەنشینانی زایۆنیست بۆسەر گوندە فەلەستینییەکان ، سوپای تیڕۆر بە هەڵە تەقەی لە شارۆچکەنشینان کردووە، کەبەهۆیەوە زایۆنیستێک کوژراوە و یەکی تریش برینداربووە
02
ئاگربەسەکەی غەزە دەبێ پاوەجێ بێت
باڵوێز و نوێنەری هەمیشەیی ئێران لە نەتەوە یەکگرتووەکان لە کۆبوونەوەی ئەنجومەنی ئاسایشدا سەبارەت بە ئاگربەسەکەی غەزە، رایگەیاند ئەو ئاگربەسە هەنگاوێکی ئەرێنی و دڵخۆشکەرە بەڵام دەبێ ببێتە رێگەچارەیەکی هەمیشەیی و پاوەجێ
03
دەبێ دژی داگیرکاریی تورکیا بوەستین
سۆزدار دێرک فەرماندەی باڵای هەسەدە شەڕوخۆڕاگریی لە باکور و رۆژهەڵاتی سوریای بە پاراستنی کەرامەتی گەل لەهەمبەر داگیرکاریی و ملهوڕی تورکیا پێناسەکرد و رایگەیاند دەبێ حکومەتێکی گشتگیر و دیمۆکڕات لە سوریا بێتە ئاراوە
04
حەوتەی داهاتوو بڕیار لەسەر موچە دەدرێت
وەزارەتی دارایی و ئابوری هەرێم رایگەیاند هەردوو شاندی حکومەتی هەرێم و فیدراڵ ڕێککەوتن لەسەر ئەوەی ڕۆژی یەکشەممەی داهاتوو کۆبونەوەی هاوبەش ئەنجامبدرێت و بڕیاری پێویست لەسەر ماف و شایستە داراییەکانی هەرێمی کوردستان بدرێت
05
ئامادەبونی پۆلیسی سنووریی ئەمریکا
هێزەکانی پۆلیسی سنووریی ئەمریکا بۆ جێبەجێکردنی فەرمانی ترامپ لەمەڕ داخستنی سنوور لەگەڵ مەکزیک ، لە تەگزاس جێگیر بوون
06
کاردانەوەی ماکرۆن بە گەڕانەوەی ترامپ
سەرۆکی فەڕانسا لەدوای سوێندخواردنی ترامپ ، داوای لە وڵاتانی ئەوڕوپا کرد لەخەو هەستن و توانایی بەرگری خۆیان بەهێز بکەن ، لەبەر ئەوەی چیدی ناکرێت بۆ پاراستنی ئاسایشی ئەوڕوپا، پشت بە واشینگتۆن ببەسترێت
