SAHAR

کاتی بڵاوبوونەوە: 16:30

1

عێراق: نەیاری هەرچەشنە پێشێلکرانی سەروەریی وڵاتین

سەرۆک کۆماری عێراق لەدیداری وەزیری دەرەوەی تورکیادا، وتی: بەغدا، نەیاری هەر هەوڵێکە بەمەبەستی پێشێلکردنی سەروەریی وڵاتەکەی.

لەتیف رەشید وتیشی: عێراق هەرچەشنە دەسوەردانێک کە کاربکاتە سەرخاکی ئەو وڵاتە، ڕەت دەکاتەوەو جەخت دەکەینەوە لە پێویستیی ڕێزدانان بۆ سەروەریی، ئاسایشی نیشتمانی و سەربەخۆیی عێراق.

2

شادمانیی فەلەستینیەکان لەبەر گەڕانەوەیان بۆ غەززە

خەڵکی فەلەستین لە شەقامی"ئەڕەشید" لە ناوەندی کەرتی غەززە پاش ڕاگەیێندرانی هەواڵی گەڕانەوەیان بۆ سەر ماڵ و حاڵی خۆیان لە باکوری ئەو ناوچەیە، لە سەرلەبەیانی ئەمڕۆوە دەستیان کردووە بە شادمانیی دەربڕین.

خەڵکی غەززە لە کاتژمێر حەوتی سەرلەبەیانی ئەمڕۆوە دەتوانن بە پێ و لەڕێی میحوەری "نتساریم" و شەقامی ئەڕەشید بگەڕێنەوە ماڵی خۆیان لە باکوری کەرتی غەززە.

3

بێن گویر: وێنەکانی غەززە، پێشاندەری شکستی بەتەواوەتی ئیسرائیلە

وەزیری دەست لەکارکێشاوەو توندڕەوی کابینەی "بێنیامین نەتانیاهو"، سەرۆک وەزیرانی رژیمی زایۆنی، وێنەو گرتەڤیدیۆکانی گەڕانەوەی ئەمڕۆی ئاوارە فەلەستینیەکان بۆ باکوری غەززەی، بە سەرکەوتنی بزووتنەوەی حەماس و بەچۆکداهاتنی بەتەواوەتی تەلاویڤ زانی. ئیتامار بێن گویر، وتی: ئێمە دەبێ بگەڕێینەوە بەرەکانی شەڕ.

4

قالیباف: حەماس، زیندوو و ڕوو لەگەشەیە

سەرۆکی مەجلیسی شۆرای ئیسلامیی ئێران بەئاماژە بەوەی کە ئەمڕۆکە، حەماس زیندوو و ڕوو لە گەشەیە، وتی: خۆڕاگریی بە ئیرادەیەکی پتەوتر لە ڕابردوو، درێژەی هەیە. وتیشی: خۆڕاگریی زیاتر لە ١٥ مانگانی خەڵکی فەلەستین لەهەمبەر ژینۆسایدی رژیمی ئاپارتایدی ئیسرائیل، بە چوونەدەری بەتەواوەتی زایۆنییەکان لە کەرتی غەززەو گەڕانەوەی ئاوارەکان بۆ ماڵ و حاڵی خۆیان، تۆکمە دەبێ.