ڕووداوەکانی جیهان لەسەد چرکەدا 2025/02/03 / ١٢مانگرتوی سلێمانی، حهوت ڕۆژه بێ نان و ئاون
کاتی بڵاوبوونەوە: 16:30
1
١٢ مانگرتوی سلێمانی، حهوت ڕۆژه بێ نان و ئاون
١٢مامۆستا له شاری سلێمانی حەوتەمین ڕۆژیان بە برسێتی لەژێر خێمەدا کردەوە و وتهبێژهکه ڕایگهیاند، مانگرتوهکان ئیرادهیان بهرزه و ئیرادهیان لهسهر مانهوه و بهردهوامیی بوو، تا ئهوکاته وهڵامێکیان دهدرێتهوه.
2
تێکشکێندرانی حەشارگەکانی داعش لە ڕۆژاوای رۆمادی
هێزەکانی حەشدی شەعبیی عێراق، لە ئۆپەراسیۆنێک بەدژ حەشارگەکانی داعش لە رۆژاوای رۆمادی و کەرتی سنوریی لە رۆژاوای ئەو وڵاتە لەگەڵ سوریا، توانیان شەش حەشارگەی ژێرزەوینیی ئەو گرووپە ترۆریستییە تێک بشکێنن.
3
عەشیرەتەکانی غەززە ڕوو لە ترەمپ: ڕێگەنادەین نەگبەتی ساڵی١٩٤٨دووپات بێتەوە
"عاکف ئەلمسری" بەرپرسی لێژنەی کاروباری عەشیرەتەکانی فەلەستین لە کەرتی غەززە بەتوندی نەیارەتی کرد لەگەڵ گەڵاڵەی سەرۆک کۆماری ئەمریکا لەمەڕ گوێزرانەوەی دانیشتووانی غەززە بۆ وڵاتانی دیکەو وتی: ڕێگە نادەین نەگبەتی ساڵی١٩٤٨دووپات بێتەوە.
4
مەزڵوم عەبدی: کوردەکانی سوریا نایانەوێت جیاببنەوە
مەزڵوم عەبدی فەرماندەی گشتیی هێزەکانی سوریای دیموکرات (هەسەدە) رایگەیاند؛ کوردەکانی سوریا نایانەوێت جیاببنەوە و حکومەت و پەرلەمانیان هەبێت وەک ئەوەی لە عێراقدا هەیە. دەشڵێت، "دەمانەوێت ببینە بەشێک لە وەزارەتی بەرگریی سوریا و پێشنیازێکمان داوە و چاوەڕوانی وەڵامی دیمەشقین".
٦.
سەرۆکی وزەی ئەتۆمی: ئێران، پاوانخوازیی تێکشکاندووە
"محەممەد ئیسلامی" سەرۆکی ڕێکخراوی وزەی ئەتۆمیی ئێران پێی داگرت: ئێران، پاوانخوازیی لەبواری ناڤۆکی تێکشکاندووەو بە توێژینەوە ناوخۆییەکان، لەسەر پێی خۆی ڕاوەستاوە.
