ڕووداوەکانی جیهان لەسەد چرکەدا 2025/02/13/ شەممە، هەموو گیراوان ئازاد ناکرێن
کاتی بڵاوبوونەوە: 13:30
01
شەممە، هەموو گیراوان ئازاد ناکرێن
"ئەبوو زوهری" لە ڕێبەرانی بزووتنەوەی حەماس ڕایگەیاند، لێدوانەکانی ترامپ، ئاژاوەگێڕانەیە بەڵام ئێمە هەروا پێبەندی جێبەجێکرانی بڕگەکانی ڕێککەوتنین و هەرگیز هەموو گیراوان، رۆژی شەممەی داهاتوو ئازاد ناکەین.
02
بێن گوێر: دەگەڕێمەوە نێو کابینە
"ئیتامار بێن گوێر" وەزیری دەست لەکارکێشاوەی رژیمی زایۆنی وتی: ئەگەر نەتانیاهوو گەڕایەوە مەیدانی شەڕ، منیش دەگەڕێمەوە نێو کابینەو دەبێ گەیشتنی سووتەمەنی و یارمەتییەکان بە غەززە، بوەستێنێ.
03
بڕی٥١ملیار دینار، خرایەنێو هەژماری وەزارەتی دارایی عێراق
وەزارەتی دارایی هەرێمی کوردستان ڕایگەیاند: بەشی گەنجینەی فیدراڵی لە داهاتی نانەوتیی هەرێم خرایە سەر هەژماری وەزارەتی دارایی فیدراڵی عێراق.
04
"سری سورەیا ئوندەر": با ڕەوتێکی واقع بینانە ڕەچاو بکرێ
"سری سورەیا ئوندەر" لەبارەی کێشەو ئاستەنگەکانی بەردەم ئاشتیی شیمانەیی، باسی شک و دڕدۆنگییەکانی نێو ئەندامانی دەوڵەتی کرد بۆ بەرەوپێش بردنی ئەو پرۆسەو وێڕای ئاماژە بە زەخت و گوشارگەلی ڕوو لەزیادبوونی حکومیی، جەختیشی کرد لەسەر پێویستیی ڕەچاوکرانی ڕەوتێکی واقع بینانە.
05
ئێران: دانوستان لە ژێر گوشاردا قەبووڵ ناکەین
وەزارەتی دەرەوەی ئێران لە کاردانەوە بە یادداشتی ئەمنیەتیی سەرۆک کۆماری ئەمریکا بە جەخت لەسەر ئەوەی کە ئێران دانوستان لەژێر گوشاردا قبووڵ ناکات، وتی: کۆماری ئیسلامی ئێران لە درێژەی ڕوانگەی بنچینەیی خۆی بەردەوام پاڵپشتی کردووە لە دۆزینەوەی ڕێکاری دیپلۆماتیک بۆ پرسە جیاوازەکان.
06
ڕێککەوتنی ترامپ و پوتین لەسەر دانوستانەکانی ئوکراین
ترامپ و پوتین لە پەیوەندییەکی تەلەفۆنیی" دور و درێژ و بەسود" لەسەر دەسپێکرانی دانوستانەکانی ئوکراین ڕێککەوتن.
