ڕووداوەکانی جیهان لەسەد چرکەدا /2025/03/21/ دوژمنکاریی ئەمریکا بێ وەڵام نامێنێ
کاتی بڵاوبوونەوە: 13:30
01
دوژمنکاریی ئەمریکا بێ وەڵام نامێنێ
ڕێبەری باڵای شۆڕشی ئیسلامی، سەرلەبەیانی ئەمڕۆ لە وتاردانی نەورۆزیی خۆیدا فەرمووی: ئەمریکییەکان بزانن و ئاگادار بن لە بەرەوڕووبوون دەگەڵ گەلی ئێراندا هەرگیز بە هەڕەشەو گوڕەشە بە ئاکام ناگەن و ئەگەر دوژمنایەتی گەلی ئێران بکەن، وەڵامێکی گورچکبڕیان دەدرێتەوە.
02
ناڕەزایەتییەکان، پەلکێشی شوێنە جۆربەجۆرەکانی تورکیاش دەبێ
پاش گردبوونەوەو خۆپێشاندانگەلێک کە لە ئەستەمووڵ و ئانکارا بەڕێوە چوو، ئەم جارەیان هەواڵەکان باس لەوە دەکەن کە لە شوێنەکانی دیکەی تورکیاش، لایەنگرانی پارتی کۆماریخوازی گەل(جەهەپە) دەستیان داوەتە خۆپێشاندان و ناڕەزایەتی دەربڕین.
03
غەززە لەسەروبەندی قەیرانی مرۆییدا
بەداخرانی تێپەڕگەو دەروازە تیجارییەکانی غەززەو تەگەرەنانەوەی زایۆنییەکان لەبەردەم گەیشتنی یارمەتییە مرۆییەکان و سووتەمەنی، بازاڕەکانی غەزە بەرەبەرە بەتاڵ دەبن لە خواردەمەنی و قات و قڕیی سەرلەنوێ ڕوویان تێدەکاتەوە.
04
کابینەی نەتانیاهو دەنگی دا بە لە دەسەڵات لابرانی سەرۆکی شاباک
ئەندامانی کابینەی سەرۆک وەزیرانی رژیمی زایۆنی بە کۆی دەنگ، دەنگیان داوە بە لەسەر دەسەڵات لابرانی"رۆنەن بار"ی سەرۆکی ڕێکخراوی هەواڵگریی ناوخۆی ئیسرائیل (شاباک).
05
داوای وەرگرتنی١١٥هەزار بەرمیل نەوت لە بەغدا
نوێنەری فراکسیۆنی نەوەی نوێ لە پەرلەمانی عێراق، ڕایگەیاند، هەرێمی کوردستان خوازیاری وەرگرتنی رۆژانە ٤٦هەزار بەرمیل نەوت بۆ بەکارهێنانی ناوخۆیی و ٦٩هەزار بەرمیلی دیکەش وەک پشکی بەشگە نەوتییەکان بووە.
06
فڕگەی لەندەن لەبەر بڕانی کارەبا داخرا
فڕۆکەخانەی هیترۆی لەندەن، یەک لە قەرەباڵغترین فڕگەکانی جیهان، پاش بڕانی بەرفراوانی کارەبا کە بەهۆی ئاگرکەوتنەوە لە وێستگەیەکی کارەبای نزیک فڕگەکە، ڕووی داوە، لە رۆژی هەینیدا بەتەواوەتی دادەخرێ.
