ڕووداوەکانی جیهان لەسەد چرکەدا 24-08-2025/ درێژەی تاوانکاریەکانی ڕژێمی زایۆنی لە غەززە
کاتی بڵاوبوونەوە: 11:30
01
درێژەی تاوانکاریەکانی ڕژێمی زایۆنی لە غەززە
پەلامار و بۆردومانی بەردەوام و قورس و بێوێنەی ڕژێمی زایۆنی بۆسەر کەرتی غەززە لە سەرلەبەیانیی ئەمڕۆدا بووە ھۆی شەھید بوونی خەڵک و کاولکاریەکی زۆر .
02
داکەوتنی خۆفڕی ڕژێمی زایۆنی لە باشووری لوبنان
سەرچاوە لوبنانیەکان ڕاپۆریان دا خۆفڕێکی ڕژێمی زایۆنی لە باشووری لوبنان کەوتووەتەخوارەوە .
03
ئۆلیانۆڤ : ئەوروپا بێ ستراتژی ھەڕەشە دەکات
نوێنەری ڕوسیا لە ڕێکخراوە نێودەوڵەتیەکانی جێگیر لە ڤیەن گوتی : ئینگلیس و فەڕەنسە و ئاڵمان ھەڕەشەی وەڕێخستنی میکانیزمی سناپ بەک بۆ گەڕاندنەوەی بایکۆتەکانی پێشوو لە دژی ئێران دەکەن و ئەوە لەکاتێکدایە کە ئەوان ھیچ ستراتژیەکیان بۆ چوونەدەر لەم بنبەستە پێشبینی نەکردووە .
04
لاھور شێخ جەنگی ئەندامی پەرلەمانی کوردستان نیە
جێگری سەرۆکی دیوانی پەرلەمانی ھەرێمی کوردستان ڕاگەیاند : لاھور شێخ جەنگی بە ھۆی ئەوەی کە سوێندی یاسایی نەخواردووە ، پارێزراویی یاسایی نیە و ھێچ پێوەندیەکی فەرمیی بە پەرلەمانەوە نیە .
05
داکۆکیی بەتەواوەتیی نوێنەرانی ھۆلەند لە غەززە
پاشماوەی وەزیران لە پارتی دەسەڵاتدار لە حکومەتی ھولەند ، کەمێک دوای ئەوەی کە کاسپێر وۆڵد کەمپ وەزیری دەرەوە ڕۆژی ھەینی کشانەوەی خۆی بە ھۆی لەمپەرنامەوەی حکومەت لەسەر ڕێگای جێبەجێکرانی ھەنگاوی زیاتر لە دژی داگیرکاریی ئیسراییل ڕاگەیاند ، لە حکومەت کشانەوە .
06
کۆریای باکوور دوو موشەکی نوێی تاقیکردەوە
تاقیکردنەوەی موشەکیی کۆریای باکوور دوای ئەوە ئەنجام بوو کە رێبەری کۆریای باکوور کاردانەوەی نیشاندا بە مەشقی سەربازیی ھاوبەشی ساڵانەی نێوان کۆریای باشوور و ئەمریکا و ھەنگاوی ئەم دوو وڵاتەی بە ھەڵاییساندنی ئاگری شەڕ لە نیمچە دورگەی کۆریا وەسفکرد .
