ڕووداوەکانی جیهان لەسەد چرکەدا 29-08-2025 / بڵاوبوونەوەی ڤایرۆسێکی نەناسراو لە کەرتی غەززە
کاتی بڵاوبوونەوە: 11:30
1
بڵاوبوونەوەی ڤایرۆسێکی نەناسراو لە کەرتی غەززە
دوکتور"محەممەد ئەبوو سەلمییە" بەڕێوەبەری کۆبینای پزیشکیی شیفا لە کەرتی غەززە وتی: ڤایرۆسێک لەنێو دانیشتووانی کەرتی غەززەدا خەریکە بڵاو دەبێتەوە و ئێمە ئامێری پێویست بۆ تاقیکردنەوەی هۆکارەکەمان نیە. وتیشی: دانیشتووانی غەززە جگە لە کەمیی ئاوی خواردنەوەی پاک، بەرەوڕووی بەدخۆراکیشن کە دەبێتە هۆی لاوازبوونی سیستەمی بەرگریی جەستە.
2
سەرۆکی ئەنجومەنی باڵای سیاسیی یەمەن: پەلامارەکانی رژیمی زایۆنی شکستیان هێناوە
"مەهدی مەشات" سەرۆکی ئەنجومەنی باڵای سیاسیی یەمەن وتی: پەلامارەکانی رژیمی زایۆنی شکستیان هێناوەو هەروا شکست دێنن و باسکی بەهێزی ئێمە، وانەی پێویستیان پێ ئەدا. وتیشی: زایۆنییەکان بە بڵاوکردنەوەی هەواڵگەلی درۆیینەو ساختە، درۆ دەکەن.
3
سەرۆک کۆماری ئێران: لە هیچ هەڕەشەیەک ناترسین
"مه‌سعود پزیشکیان" سه‌رۆک کۆماری ئێران له وتارێکدا بۆ یادی شه‌هیدانی شه‌ڕی 12 ڕۆژه‌ی سەپێندراوی رژیمی داگیرکەری زایۆنی دژی ئێران، وتی: ئێمه له هیچ هه‌ڕه‌شه‌یه‌ک ناترسین و به توندی و به‌هێزه‌وه وه‌ڵامی هه‌ر ده‌ستدرێژییه‌ک ده‌ده‌ینه‌وه.
4
تێکهەڵچوونی خەڵکی ناڕازیی و پۆلیس لە ئەندۆنزیا
هەزاران شارومەندی ئەندۆنزیایی لە دووەم ناڕەزایەتیی دەربڕینی مەزنی جاکارتا لەو حەوتەدا، لەگەڵ پۆلیس تێکهەڵچوون و هێزە ئەمنییەکانیان بەردباران کرد.
ناڕەزایەتیی خەڵکی ئەندۆنزیا بە سیاسەتەکانی دەوڵەتی ئەو وڵاتە لەبەر زیادکرانی بڕەپارەی تەرخانکراو بۆ پەرلەمانتارانی ئەندۆنزیایی پەرەی سەندووە.
5
کەوتنەخواری فڕۆکەی"ئێف-١٦"ی پۆڵندی و مردنی فڕۆکەوانەکەی
سوپای پۆڵندا ڕایگەیاند، فڕۆکەیەکی جەنگیی ئێف-١٦ی هێزی ئاسمانیی ئەو وڵاتە لەکاتی پرۆڤەکردن بۆ نمایشێکی ئاسمانی لە "رادوم"ی ناوەندی پۆڵندا، کەوتە خوارەوەو فڕۆکەوانەکەی لەو ڕووداوەدا گیانی لەدەست دا.
