ڕووداوەکانی جیهان لەسەد چرکەدا 29-08-2025/ چوونەسەری ژماری شەهیدانی غەززە بۆ ٦٢٩٦٦کەس
کاتی بڵاوبوونەوە: 13:30
١
چوونەسەری ژماری شەهیدانی غەززە بۆ ٦٢٩٦٦کەس
وەزارەتی تەندروستیی فەلەستین لە کەرتی غەززە بەڕاگەیاندنی چوونەسەری ژوماری شەهیدانی غەززە بۆ٦٢هەزار و٩٦٦کەس، ڕایگەیاند، ٧١ فەلەستینی دیکە لە ئاکامی پەلامارەکانی رژیمی زایۆنی بۆسەر ناوچە جۆربەجۆرەکانی غەززە، شەهید بوون.
2
خەساری١.١ملیارد دۆلاریی رژیمی زایۆنی بەهۆی هەڵمەتی مووشەکیی ئێرانەوە
ئیدارەی باجی رژیمی زایۆنی ڕایگەیاند، لە شەڕی ١٢ رۆژەدا، زیاتر لە٥٣هەزار سکاڵای خەسارگەیشتنی ڕاستەوخۆ بەهۆی هێرشی مووشەکیی ئێران لە ناوچە جۆربەجۆرەکانی ژێرکۆنترۆڵی ئەو رژێمە تۆمارکراوەو خەساری راستەوخۆی هێرشەکانی ئێران بۆسەر ئەو رژێمە١.١ملیارد دۆلار مەزەندە دەکرێ.
3
حیزبوڵڵا: تەنانەت گولـلەیەکیش ڕادەست ناکەین
"مەحموود قەماتی" ئەندامی ئەنجومەنی سیاسیی حیزبوڵڵای لوبنان ڕایگەیاند: لەقورسترین زەخت و گوشارەکانیشدا تەنانەت گولـلەیەک ڕادەست ناکەین. وتیشی: هەمووان کۆکن لەسەر ئەوەی ڕادەست کرانی چەکی خۆڕاگریی، خەیانەتە بە لوبنان، نیشتمان، سەروەریی و سەربەخۆیی وڵات.
4
ئولیانۆف: کردەی ترۆئیکای ئەورووپا دژی ئێران، هەڵەیەکی گەورەیە
"میخائیل ئولیانۆف"ی نوێنەری هەمیشەی ڕووسیا لە ڤیەننا، کردەی سێ وڵاتی ئورووپایی لایەنی بەرنامەی تۆکمەی هەنگاوی هاوبەش ناسراو بە "بەرجام" بۆ بوژاندنەوەی بایکۆتە سەپێندراوەکانی نەتەوە یەکگرتووەکان بەسەر ئێراندای، بە "هەڵەیەکی مەزن" لێکدایەوەو وتی: ئەو کارە، چەقبەستوویی تەواو لە پرسی ناڤۆکیی ئێرانی بەدواوە دەبێ.
5
پێکدادانی سێناتۆرە مەکسیکیەکان لەسەر دەسوەردانی سەربازیی ئەمریکا
کۆڕی سێنای مەکسیک پاش شەڕەقسەی توند لەبارەی ئەگەری هاتنی سوپای ئەمریکا بۆنێو خاکی مەکسیک بە ئیدیعای بەرەوڕووبوونەوەی کارتێلەکانی ماددەی هۆشبەر، گۆڕدرا بۆ تێکهەڵچوون و پێکدادان و مست وەشاندنی سێناتۆرەکان.
