SAHAR

کاتی بڵاوبوونەوە: 16:30

1

پێداگریی سەرۆک کۆماری عێراق لەسەر داکۆکی وڵاتەکەی لە خەڵکی فەلەستین

"عەبدولـلەتیف ڕەشید" سەرۆک کۆماری عێراق لە دیمانەیەکدا وێڕای پێشوازیی لە چەکداماڵینی پەکەکە، وتی: درێژەی پەلامارەکانی سەرغەززە، کارتێکەریی نەرێنی هەیە لەسەر گشت ناوچەکەو هەڵوێستی عێراق، ڕوون و ئاشکرایەو بابەتێکی تازە نیە، ئەویش ڕاوەستان لەتەنیشت گەلی فەلەستینە بۆ مسۆگەرکرانی مافە ڕەواکانی.

2

وشدارییدان لەبارەی پیلانگەلی نگریسی ئەمریکا لە عێراق

"محەممەد ئەبووسەعیدە" سەرۆکی بزووتنەوەی"وجود" لە عێراق وشداریی دا لەمەڕ پلانێکی دەرەکی بە سەرۆکایەتی ئەمریکا بۆ دوورخستنەوەی عێراق لە پرۆسەی هەڵبژاردنەکانی نۆڤمبەری داهاتوو و گۆڕینی سیستەمی دەسەڵات لەو وڵاتە بەگوێرەی پەڵپ و بیانوو و تۆمەت پاڵدانی لەپێشدا ئامادەکراو.

3

شەهیدبوونی٢١فەلەستینی دیکە لە ئاکامی بۆردومانکرانی غەززە

لە یەکەم کاتژمێرەکانی سەرلەبەیانی ئەمڕۆ هەینیەوە، کەرتی غەززە جارێکی دیکە کەوتە بەر پەلامار و بۆردومانی سوپای داگیرکەری زایۆنی کە شەهیدبوونی٢١فەلەستینی و برینداربوونی دەیان کەسی دیکەی لێکەوتەوە.

فڕۆکە شەڕکەرەکانی رژیمی زایۆنی خێوەتی ئاوارەکان لە خان یونس، ناوچەی سودانیەو دەورووبەری نەخۆشخانەی حەمەد لە باکوری رۆژاوای غەززەیان بۆردومان کرد.

4  

خەسار و زیانی زۆر بەهۆی لافاو لە پاکستان

بەهێزترین لافاوی چوار دەیەی ڕابردوو لە پاکستان، بووەتە هۆی وێرانبوونی زیاتر لە هەزار ئاوایی و ژیانی پتر لە یەک ملوێن کەس لەو وڵاتەی پەک پێخست. هەروەها لافاو لە چەند مانگی ڕابردوودا لە پاکستان، بووەهۆی گیان لەدەستدانی٨٠٠کەس.

5

وشدارییدانی سەرۆک کۆماری ڤەنزۆئێلا بە ئەمریکا

"نیکۆلاس مادۆرۆ" ڕایگەیاند: ئەمریکا نە بە بایکۆت، نە بە گەمارۆ و نە بە شەڕی دەروونی ناتوانێ ڤەنزۆئێلا تێک بشکێنی. ناوبراو وتیشی : سوپا و گەلی ڤەنزۆئێلا ئامادەیە هەتا لەئاشتی، سەروەریی و یەکپارچەیی وڵاتەکەی بەرەڤانی بکا.