نوێنەری هەمیشەیی سووریا لە نەتەوە یەکگرتووەکان وتی: کاتی بڕانەوەی درۆ و دەلەسەکان و بەلاڕێدابردنی بیر و ڕای گشتیی سەبارەت بە شەڕە داسەپێندراوەکەی سەر سووریا گەیشتووە.

بە پێی ڕاپۆرتی هەواڵدەریی فەرمیی سووریا (سانا)؛ "بەشار جەعفەری" لە کۆبوونەوەی دوێنێ چوارشەممەی ئەنجومەنی ئاسایشی نەتەوە یەکگرتووەکان وتیشی: ژمارێک لەو پرس و بابەتانەی لەم کۆبوونەوەیەدا سەبارەت بە سووریا باس کرا، هەر بوونی نییە و تەنیا بە پێی لێدوان و  تۆمەتی مێدیاییە.

نوێنەری هەمیشەریی سووریا لە نەتەوە یەکگرتووەکان وتیشی: دەوڵەتی سووریا لە سەرەتای شەڕ و پێکدادانەوە لەم وڵاتە هاوکاریی کردووە لەگەڵ نەتەوە یەکگرتووەکان و ناوەندەکانی سەر بەم ڕێکخراوەیە.

جەعفەری وتیشی: سیاسەتی سووریا لە سەر دوو مژاری خەباتی بێسنووری لەگەڵ تیرۆریزم و هاوکات پێ و شوێن گرتنی پرۆسەی سیاسی بۆ چارەسەر کردنی قەیران چڕ بۆتەوە و ئێمە بڕوامان ئەوەیە کە وتووێژی نێوماڵی سووریا بنەما و بنچینەی ڕێگاچارەی قەیرانی ئەم وڵاتە و هەڵوێستی نەگۆڕی دەوڵەتی دیمەشقە.