سەرۆک کۆماری سووریا لە دیداری یاریزانان و کادێری تەکنیکیی یانەی هەڵبژاردەی تۆپی پێی ئەم وڵاتە ، سەرکەوتنی ئەم یانەیە لە یارییەکانی بەرایی جامی جیهانیی تۆپیی پێی ٢٠١٨ی بە بەڵگەی سەلمێنەری ناکارامە بوونی شەڕی تیرۆریستان زانی کە هەوڵ دەدەن ویست و ورەی گەلی سووریا دابەزێنن.

بە پێی ڕاپۆرتی هەواڵدەریی فەرمیی سووریا (سانا)؛ "بەشار ئەسەد" سەرۆک کۆماری سووریا ڕۆژی دووشەممە لەم دیدارەدا وتیشی: ئەو ئەنجامەی یانەی هەڵبژاردەی تۆپی پێی سووریا بەدەستی هێنا، ئەوەی سەلماند کە ئەو شەڕە تیرۆریستییەی چەن ساڵە سێرەی بۆ سووریا ناوەتەوە، نەک هەر نەیتوانیوە ویست و ورەی گەلی سووریا دابەزێنی بەڵکوو بۆتە هۆی ئەوەی یەکدەنگی و یەکهەڵوێستیی ئەم گەلە زیاتر و پتەوتر ببێ.

"بەشار ئەسەد" پێی داگرت: بەزر کردنەوەی ئاستی توانایی و لێهاتوویی یانەی هەڵبژاردەی تۆپی پێی وڵاتەکەمان لەو باروودۆخەدا کە سووریا گیرۆدەی بووە، خۆی  دەسکەوتێکی گەورەیە و هەموو دەسکەوتەکانی سووریا ، ئەگەر سەرکەوتنەکانی سوپا بەرامبەر بە تیرۆریستان و خۆڕاگریی گەلی سووریا نەبوایە، بە دەست نەدەهاتن.