حەوت کوژراو و بریندار لە پەلاماری بە هاوەنی تیرۆریستان بۆسەر قونەیتەرە
حوزه‌یران 20, 2018 19:15 Asia/Tehran
سەرچاوەکانی سوری باسی کوژران و بریندار بوونی لانیکەم حەوت کەسیان کردووە لە پەلاماری بە هاوەنی تیرۆریستان بۆسەر قونەیتەرە.
بەپێی ڕاپۆرتی ڕۆژی چوارشەممەی هەواڵدەریی مێهر ، بەوتەی سەرچاوەکانی سوری لەبەر پەلاماری بەهاوەنی تیرۆریستان بۆسەر شارۆچکەی جەبا لە دەورووبەری قونەیتەرە کەسێک کوژرا و شەش کەسی دیکەش بریندار بوون .
ئەم سەرچاوانە راشیانگەیاند:تاقمە چەکدارەکان هەروەها بە گولەهاوەن گوندی حەران لە دەورووبەری بەشی ڕۆژاوای سوەیدایان داوەتەبەر پەلامار .
هەرلەم حاڵەدا سوپای سوریا بنکەی تیرۆریستانیان لە بەسەری حەریر لە ڕۆژهەڵاتی دەرعا و باشووری ڕۆژهەڵاتی شارۆچکەی حارە لە باکووری شاری دەرعا داوەتەبەر پەلامار .
سوپای سوریا هەروەها بنکەی تاقمە چەکدارەکان لە دەورووبەری شارۆچکەی کەفەر شەمس لە دەورووبەری ڕۆژاوای دەرعایان دایە بەر پەلامار .
