حوزه‌یران 01, 2020 11:12 Asia/Tehran
  • ئیلهام ئەحمەد :یەکڕیزی و یەکدەنگیی کوردانی سووریا بەردەگرێت بە قەڵاچۆی کوردان لە لایەن تورکیاوە

سەرۆکی دەستەی کارگێڕیی ئه نجوومەنی دیموکراتیکی سووریا وتی :یەکێتیی کوردانی سووریا بەردەگرێت بە قەڵاچۆی کوردان لە لایەن تورکیاوە.

 

 ئیلهام ئەحمەد وێڕای ئاماژە بە وتووێژی نێوان پارتی یەکێتیی دیموکراتیکی سووریا ( پەیەدە ) لە گەڵ ئەنجومەنی نیشتمانیی کوردانی سووریا ( ئەنەکەسە)  ڕایگەیاند : زۆر گەشبینین  بە ڕەوتی  وتووێژەکانی  پەیەدە لە گەڵ ئەنەکەسە و ئەنەکەسە پێداگرە لەسەر ئەو وتووێژانە .یەکگرتوویی بەردەگرێت بە قەڵاچۆی کوردان و  وتووێژی نێوان کوردەکان قۆناغێکی زۆر گرینگە. تا ئێستا لە وتووێژەکاندا ڕێککەوتنی سیاسی یەکجاریی وەدەس نەهاتووە و ئێستاش  ئەوە سێ هەفتەیە کە ڕەوتی وتووێژەکان ڕاگیراوە  بەڵام سەبارەت بە پرسەگشتیەکان گەیشتووینەتە ڕێککەوتن و بیروڕایەکی هاوبەش . کردەوەکان دوای ئەوە  دەچێتە قۆناغی دووهەم .

ئێلهام ئەحمەد لە درێژەدا  وتیشی : سەبارەت بە ڕەفتار و هەڵوێستی ئەنەکەسە  ناتوانم  ئێستا شتێک بڵێم  دوای دیدارەکان هەموو شتێک ڕوون دەبێتەوە  ئەگەر ئەو وتووێژانە سەربکەوێ ئەو پرسە بۆ هەموو کوردەکان دەسکەوتی دەبێت .

ئیلهام ئەحمەد هەروەها سەبارەت بە ڕوانین و هەڵوێستی تورکیا  لە هەمبەر ئەو  دیدارانەش وەبیری هێنایەوە ڕەفتاری  تورکیا  هەر وەکوو هەرکاتێکی  دیکە  دوژمنکارانەیە . وادیارە وتەکانی مەولوود چاووش ئوغڵۆ  وەزیری دەرەوەی تورکیاش  وشداریەک بە ئەنەکەسە بوو .

بۆچوونت