ئاگرکەوتنەوە لە پاڵاوگەی «حومس»ی سووریا
وەزارەتی نەوتی سووریا باسی ئاگرکەوتنەوە لە بنکەی خاوێن کردنەوەی ٢١ پاڵاوگەی «حومس» و بریندار بوونی سێ کەس لە ئاگرکوژێنەوەکانی سووریای کردووە.
بە پێی ڕاپۆرتی ڕۆژی سێ شەممەی ڕۆژنامەی «ئەلشام ئەلئەخباریە»ی سووریا، «سولەیمان موحەممەد» بەڕێوەبەری گشتیی پاڵاوگەی «حومس»ی سووریا ئێوارەی ڕۆژی سێ شەممە ڕایگەیاند: یەکەی کوژاندنەوەی ئاگری سەر بەم پاڵاوگەیە ھاوڕێ لەگەڵ بەشی فریاکەوتنی سووریا و یەکەی ئاگرکوژێنەوەی «حومس» توانییان ئاگرەکە کۆنترۆڵ کەن و بیکوژێننەوە.
«سولەیمان موحەممەد» وتیشی: ئەم ئاگرکەوتنەوەیە ھیچ زیانێکی گیانیی لێ نەکەوتووەتەوەو تەنیا ھێندێک زیانی ماددیی لێ کەوتووەتەوە.
بەڕێوەبەری گشتیی پاڵاوگەی ھەروەھا وتیشی: زیانەکانی سەرچاوە گرتوو لە ئاگرکەوتنەوە، ڕەوتی بەرھەمھێنانی نەوتی نەخستووەتەژێر کاریگەرییەوەو چاوەڕوان دەکرێ ئەمڕۆ چوارشەممە ھەڵمەتی نۆژەن کردنەوەی پاڵاوگەکە بە تەواوی کۆتایی پێ بێت.
