هۆڵەندا هاووڵاتییە داعشییەکانی خۆی لە کوردی سووریا وەردەگرێتەوە
حوزه‌یران 05, 2021 18:16 Asia/Tehran
بەرپرسانی هۆڵەندا ڕایانگەیاند هاووڵاتیانی خۆی کە بە تۆمەتی ئەندامێتی لە داعش لە کەمپی ژێر کۆنترۆڵی کوردەکانن دەگەڕێنێتەوە بۆ وڵاتەکەی.
بە ڕاپۆرتی ئاژانسی هەواڵی مێهر، هەواڵدەریی فەڕەنسا ڕایگەیاند بڕیارە بەرپرسانی هۆڵەندا ئەمڕۆ هاووڵاتییەکانی خۆی کە بنەماڵەی ئەندامانی داعش بوون و ئێستا لە کەمپەکانی ژێر دەسەڵاتی کوردی سووریان، وەربگرێتەوە.
بەرپرسانی کوردی سووریا چەندین جار داوایان لە 54 وڵاتی بیانی کردووە ئەندامانی بنەماڵەی داعشییەکان کە نزیک بە 70000 کەس بوون لە کەمپەکانی کوردستانی سووریا جێگیرن، بگەڕێننەوە بۆ وڵاتەکانیان.
عەبدولکەریم عومەر بەرپرسی کاروباری دەرەوەی ئیدارەی خۆسەر بە هەواڵدەری فەڕەنسای ڕایگەیاند کە ڕادەست کردنەوەی ئەندامانی سەر بە داعش چەکدارانی داعش ناگرێتەوە.
