فەرماندەی گشتیی هێزەکانی سوریای دیموکرات ئامادەیی ھێزەکانی بۆ یارمەتیدانی لێقەوماوانی وڵاتەکەی ڕاگەیاند.

بە پێی ڕاپۆرتی سەرچاوەکانی سەربە ھەسەدە، «مەزڵوم کۆبانی» فەرماندەی گشتیی هێزەکانی سوریای دیموکرات «ھەسەدە»، هاوسۆزیی خۆی و ھێزەکانی بۆ کەسوکاری قوربانیانی بوومەلەرزەکەی ناوچەکە دەربڕیوە.

فەرماندەی گشتیی هێزەکانی سوریای دیموکرات لە توییتێکدا ڕایگەیاندووە: هاوسۆزین لەگەڵ کەسوکاری قوربانیانی ئەو بوومەلەرزەیەی کە لە هەموو خاکی سوریا ڕووی دا و نیگەرانیی خۆمان دەردەبڕین.

«مەزڵوم کۆبانی» باسی لەوەش کردووە کە، لە هەموو ناوچەکانی سوریا  لەگەڵ گەلەکەیان وەستاون و ئامادەن دەستی هاوکاری درێژ بکەن بۆ هەر حاڵەتێکی لە ناکاو.