تەقینەوەیەکی تیرۆریستی لەسەر ڕێگای دیمەشق – عەممان 16 برینداری لێکەوتەوە
نیسان 04, 2023 10:26 Asia/Tehran
ئاژانسی هەواڵدەریی سوریا بڵاویکردەوە، تەقینەوەیەک لەسەر ڕێگای دیمەشق – عەممان ڕوویداوە و بەهۆیەوە ١٦ کارمەندی ناوچەی ئازادی هاوبەشی سوریا و ئۆردۆن بریندار بوونە.
ئاژانسی هەواڵدەریی فەرمیی سوریا (سانا) ڕایگەیاند، بۆمبێکی چێنراو لە نزیک پردی «سەیدا» لەسەر ڕێگای "دیمەشق - عەممان" لەکاتی تێپەڕبوونی پاسێک کە ھەڵگری کارمەندانی ناوچەی ئازادی هاوبەشی سوریا و ئوردن بوو، تەقیوەتەوە.
زانیارییە سەرەتاییەکان ئاماژە بەوە دەکەن کە ١٦ کارمەندی ناوچەی ئازادی هاوبەشی سوریاو ئۆردۆن بریندار بوون.
تا ئێستا هیچ وردەکارییەکی تر بڵاونەکراوەتەوە.
