هەوڵی نەتەوە یەکگرتووەکان بۆ یارمەتیدانی خەڵکی لێقەوماوی سوریا
ئەمینداری گشتیی نەتەوە یەکگرتووەکان باسی هەوڵەکانی ئەم ڕێکخراوە نێودەوڵەتییەی کرد بۆ یارمەتیدانی خەڵکی لێقەوماوی سوریا
«ئانتۆنیۆ گۆتێرێش» ئەمینداری گشتیی نەتەوە یەکگرتووەکان دوێنێ پێنجشەممە لە کۆنفرانسی "پشتیوانیکردن لە داھاتووی سوریا و ناوچەکە" کە لە برۆکسێڵ بەڕێوەچوو، ڕایگەیاند: پتر لە ١٥ ملیۆن کەس لە دانیشتوانی سوریا بەهۆی قەیرانی سەرچاوەگرتوو لە ھێرشی بەربڵاوی ئەو گروپە تیرۆریستییانەی کە لەلایەن عەرەبستان و ئەمریکا و هاوپەیمانەکانیانەوە پشتیوانی دەکرێن، پێویستیان بە یارمەتیی مرۆڤییە.
قەیرانی سوریا لە ساڵی ٢٠١١ەوە لە ئەنجامی ھێرشی بەربڵاوی ئەو گروپە تیرۆریستییانەی کە لەلایەن عەرەبستان و ئەمریکا و هاوپەیمانەکانیانەوە پشتیوانی دەکرێن بەمەبەستی گۆڕینی هاوکێشە ناوچەییەکان بە قازانجی ڕژێمی زایۆنی دەستی پێ کراوە.
ئەم هەوڵانە بەرەوڕووی شکست بوونەتەوە، لەگەڵ ئەوەشدا ئەمریکا بەردەوامە لە سیاسەتی فشاری سیاسی-ئابووریی سەر نەتەوە و حکومەتی سوریا و تەنانەت بە شێوەیەکی نایاسایی نەوتی سوریا لە ناوچەکانی ژێر دەسەڵاتی خۆی دەردەهێنێت و تاڵانی دەکات.
