باڵوێزی کۆماری ئیسلامی ئێران لە ئەردەن وتی : ئامادە بوونی ئێران لە سووریا و ئێراق بە داخوازیی دەوڵەتی یاسایی ئەو دوو وڵاتە بووە و دەسوەردان لە کاروباری ناوخۆیی ئەو وڵاتانە نایەتە ئەژمار .

بە گوێرەی ڕاپۆڕتی ئیرنا موجتەبا فردەوسی پوور " باڵوێزی ئێران  لە  ئەردەن  ڕۆژی چوارشەمە  لە وتووێژ لە گەڵ کاناڵی تەلەفیزیونی  " جەو سەت " ئەردەن ،  وێڕای شی کردنەوەی  پێشینەی  مێژوویی  هاوکاریی  دوو لایەنەی  ئێران  لە گەڵ ئەردەن و جیهانی عەرەب  جەختی کرد  لە سەر پێویستیی   ڕێزگرتن لە دەسەڵاتی  نیشتمانی  و  سەربەخۆیی  سەروەریی خاک و چارەسەر کرانی  ناکۆکیەکان لە ڕێگای  وتووێژی  بنیاتنەرەوە .

فردەوسی پوور  ئێرانی  بە دەورگێڕێکی چالاک بۆ چارەسەر کردنی قەیرانەکانی ناوچەیی  بە  کردەوەی  دیپلۆماتیک و ئاشتیخوازانە زانی  و وتی : نمونەیەک  لە دەور گێڕانی  ئێران لە ئاستی ناوچەیی و نێونەتەوەیی و دوو لایەنەدا  هەوڵدان بۆ چارەسەریی  ئاشتییانەی  قەیرانی سووریا  بە پێ و شوێن گرتنی ڕەوتی  وتووێژەکانی  ئاستانە و ژێنێڤە . ناوبراو هەروەها   خوازیاری هەوڵی  گشت داگری نێونەتەوەیی و خەباتی  لێبڕاوانە دژی تێڕۆڕیزم و توندڕۆیی  بوو  و هەموو دەورگێڕانی  ناوچەیی و نێونەتەوەیی بە دامەزراندنی  ئاسایش  لە سنوروەکانی  هاوبەش لە گەڵ  سووریا  بانگ کرد . باڵوێزی  ئێران   لە ئەردەن  وێڕای ئاماژە   بە  هاوپەیمانەتی  ڕژیمی  زایونی  لە گەڵ تاقمە تێڕۆڕیستیەکان ، قەیرانە  ناوچەییەکانی گەڕاندەوە بۆ خواستی  ڕژیمی زایونی  لە مەڕ دابینکران  و دەستەبەر کرانی  ئاسایشی  ئەو ڕژیمە .