ڕۆحانی : ئێران لە ئاراستەی خەباتی دژی تێڕۆڕیزم لە پاڵ دەوڵەت و نەتەوەی ئێراقدا دەبێت
سەرۆک کۆماری ئیسلامیی ئێران ، ئامادە بوون و فیداکاریی بێ وچانی خەڵک ، بەڕێوەبەرایەتی بەرپرسان و بیروڕای حەکیمانەی مەرجەعیەتی لە ئێراقدا بۆ چارەسەر کردنی کێشەکان بە گرینگ زانی و وتی : ئێران لە ئاراستەی خەباتی دژی تێڕۆڕیزم ، بەهێزکردنی یەکێتی و یەکڕیزی و پاراستنی سەروەریی خاکی ئێراق ، بەردەوام لە پاڵ دەوڵەت و نەتەوەی ئەو وڵاتەدا بووە و دەشبێت .
حەسەنی ڕوحانی ڕۆژی پێنجشەمە لە دیداری حەیدەر عەبادی سەرۆک وەزیرانی ئێراق لە تاران ،تەگبیری دەوڵەتی ناوەندی لە پرسی هەرێمی کوردستانی ئێراق کە هاوڕێ لە گەڵ نەبوونی بارگرژی و گرینگیی دان بە مافی نیشتمانیی خەڵکی ئەو هەرێمە بوو بە سەرنج ڕاکێش زانی و وەبیریشی هێنایەوە کە خەباتی دژی تێڕۆڕیزم و بەرنگار بوونەوەی بیری جیاییخوازانە کە زەبر لە یەکڕیزیی نیشتمانی و سەروەریی خاکی ئێراق دەوەشێنێ دەبێ هەروا پێی و شوێن بگیردرێت . سەرۆک کۆماری ئیسلامیی ئێران هەروەها وتیشی : تاران و بەغدا دەتوانن پەیوەندی و هاوکاریەکانی خۆیان لە هەموو بەشەکانی ئابووری،بازەرگانی سەرمایەنانەوەوزانست و تەکنۆلۆژیا پەرە پێی بدەن. سەرۆک وەزیرانی ئێراق لەو دیدارەدا پەیوەندیی ئێراق و کۆماری ئیسلامیی ئێرانی بە دۆستانە و پتەو هاوردە ئەژمارو جەختی کرد لە سەر پێویستیی پەرەی پەیوەندیەکانی هەمە لایەنەی ئێران و ئێراق . حەیدەر عەبادی هەروەها وێڕای جەخت کردن لەسەر پێویستیی پاراستنی سەروەری خاک و دەسەڵاتی ناوەندیی لە ئێراق وتی : خەڵکی ئێراق بە پاراستنی یەکگرتوویی و شان بە شانی یەکتر دەبێ لە هەمبەر پیلانگەلێک کە دژی ئەو وڵاتە دادەرێژرێت خۆڕاگری بکەن. سەرۆک وەزیرانی ئێراق شەوی پێنجشەمە دوای کۆتایی سەفەری یەک ڕۆژەی بۆ تورکیا سەردانی تارانی کرد . ئەوە دووهەمین سەفەری سەرۆک وەزیرانی ئێراق بۆ تاران لە ماوەی یەک ساڵی ڕابردوودایە .
