وەزیری دەرەوەی ئێران هاوکات لەگەڵ دەسپێکی چوارەمین ساڵی خوڕاگریی گەلی یەمەن لە بەرامبەر داگیرکاریی ئالی سعوود رەخنەی گرت لە فرۆشتنی چەکەمەنی ئەمریکا بە سعوودیا .

بەپێی راپۆرتی هەواڵدەریی سەداوسیما ، محەممەد جەواد زەریف رۆژی دوشەممە لە پەیامێکی توویتەری دا نوسی :  هەندێ لا لەوەی کە لایەنی دیکە بدۆشن لە خۆشیان حاڵیان نیە و هەندێکی دیکەش  تەنانەت خۆشحاڵترن لەوەی کە بدۆشرێن.

زەریف هەروەها جەختی کردەوە : یەمەنیەکان کە هەندێ تاونباری گەنج دەیانەوێ بە سەرکەوتن لەسەر شانی ئەوان بە یەک شەو رێگەی پێشکەوتن ببڕن ، هەروا لە لایەن رۆژاواییەکانەوە لە بیر کراون .

سعودیە بە هاریکاریی ئەمریکا و چەند وڵاتی عەربی دیکە لە مارسی 2015وە بەخبیانووی گەڕاندنەوەی عەبد رەبە مەنسوور هادی سەرۆکی واز لەکارهێناوی یەمەن بۆسەر دەسەڵات  هێرشی کردە سەر ئەو وڵاتە .

گەلی یەمەن لە کاتێک دا سێهەمین ساڵی خۆڕاگریی خۆیان کۆتایی پێ دێنن کە دەسدرێژیی سەربازیی سعودیە و هاوپەیمانەکانی  ئەنجامێکی نەبووە جگە لە  کوژران و برینداربوونی دەیان هەزار یەمەنی و هەروەها ئاوارە بوونی ملوێنان کەس لە شارومەندانی هەژار و وێران بوونی ژێرخانەکانی ئەو وڵاتە .

سعودیە لە دەسدرێژی خۆیدا بۆسەر یەمەن داکۆکی راستەوخۆی و ناڕاستەوخۆی دارایی ، سەربازیی ، رامیاری ، ئاسایشی و هەواڵگریی ئەمریکا و رژێمی زایۆنی لەپشت بووە .