روحانی : ئێران لە بەرامبەر ئەمریکادا سەردانانوێنێ
سەرۆکی کۆماری ئیسلامیی ئێران گوتی : ئێران سەربەست و ئازاد دەمێنێ و لە بەرامبەر ئەمریکادا سەردانانوێنێ.
حەسەن روحانی سەرۆکی کۆماری ئیسلامیی ئێران رۆژی دوشەممە لە کۆبوونەوەی خەڵکی ئازەربایجانی رۆژاوا لە شاری خۆی بە ئاماژە بەوەی کە دوژمنان بە گوشاری ئابووری و نانەوەی کێشە بۆ خەڵک ، توانایی گێڕانەوەی خەڵکی لە ئامانجە بەرزەکانی نیە ، جەختی کردەوە : گەلی ئێران چلەمین ساڵهاتی شۆڕشی ئیسلامیی بە دەسەڵات و خۆشیەوە بە بەرچاوی هەموو جیهانیاندا نیشان ئەدات .
سەرۆکی کۆماری ئیسلامیی ئێران بە ئاماژە بەوەی کە ئەمڕۆ هەموو وڵاتان و گەلانی جیهان نەیاری هەنگاوی ستەمکارانەی ئەمریکان گوتی : ئەمریکا ناتوانێ پێوەندیی گەلی ئێران لە گەڵ گەلانی برای ناوچەکە لاواز بکات ، چونکە هەموو موسوڵمانان لە تەنیشت یەکتردان .
روحانی گوتیشی : لە تەنیشت گەلی ئێراندا ، گەلانی عێراق ، سوریا ، لوبنان ، یەمەن ، ئەفغانستان ، پاکستان ، سەرانسەری جیهان لەبیری راوەستاوی ، ئیمان ، ئیسلام و سەربەستیی خۆیاندان و بە ڕاوەستاوی هەموو گەلانی ناوچەکە ، شکستی هێنانی زۆرداران مسۆگەر دەبێ .
سەرۆکی کۆماری ئیسلامی ئێران بە پێداگری لەسەر ئەوەی کە دوژمنان لە هەوڵی ئێران بۆ زاڵنەبوونی تیرۆریستان لە ناوچە دا تووڕەن گوتی : موسوڵمانان هەر کات یارمەتیان لە ئێران بوێ ، کۆماری ئیسلامیی ئێران ئەرکی خۆی بە جێ دێنێ و هاوکاری ئەوان دەکات وەک کاتی خەباتی دژی تیرۆریسم .
