سپای پاسداران : دەسەڵاتدارانی بەحرێن چاوەڕوانی تۆڵەی سەختی موجاھیدانی رزگارکردنی قودس بن
ئه‌یلوول 12, 2020 22:25 Asia/Tehran
سپای پاسدارانی شۆڕشی ئیسلامیی وێڕای شەرمەزار کردنی دامەزرانی پێوەندیی دیپلۆماتیکی نێوان بەحرێن و رژێمی زایۆنی رایگەیاند : دەسەڵاتدارانی جەللادی بەحرێن چاوەڕوانی تۆڵەی سەختی موجاھیدانی قودس و گەلی موسوڵمان و بە غیرەتی ئەم وڵاتە بن .
دۆناڵد تڕەمپ سەرۆکی ئەمریکا رۆژی رابردوو ( ھەینی ) باسی ئاسایی بوونەوەی پێوەندیی نێوان بەحرێن و رژێمی زایۆنیی کرد .
سپای پاسدارانی شۆڕی ئیسلامیی بە دەرکردنی بەیاننامەیەک جەختیشی کردەوە : ھەنگاوی پڕ شورەیی رژێمی ئالی خەلیفە لە دامەزراندنی پێوەندیی لە گەڵ رژێمی زایۆنی کە بەپێچەوانەی ئیرادە و ئارمانجی گەلی موسوڵمانی بەحرێن ئەنجام بوو ، گەمژەییەکی گەورە و بە دوور لە ھەرچەشنە شەرعیەتێکە .
