ھەواڵی تیرۆری بەرپرسێکی قاعیدە لە ئێران ڕەتکرایەوە
تشرینی دووه‌م 14, 2020 10:51 Asia/Tehran
وتەبێژی وەزاڕەتی دەرەوەی ئێران وێڕای رەتکردنەوەی ھەندێ راپۆر لە بارەی تیرۆری بەپررسێکی تاقمی تیرۆریستیی قاعیدە لە ئێران ، ئامادەبوونی ئەندامانی ئەم گروپەی لە ئێران بەدرۆخستەوە .
کاربەدەستانی ھەواڵگریی ئەمریکا لە دیمانەیەک دا لە گەڵ رۆژنامەی ئەمریکی نیۆیۆرک تایمز بانگەشەی ئەوەیان کردووە ، پیاوی ژمارە دووی ئەلقاعیدە و بێوەژنی کوڕی بن لادەن سێ مانگ لەمەوبەر لە تاران بە دەستی فەرمانبەرانی ئیسراییلی بە راسپێریی ئەمریکا کوژراون .
سەعید خەتیب زادە وتەبێژی وەزاڕەتی دەرەوەی ئێران گوتی : تاقمی ئەلقاعیدە ، زادەی سیاسەتە چەوتەکانی ئەمریکا و ھاوپەیمانەکانی لە ناوچەکەدایە .
خەتیب زادە ئەم بوختان ھەڵبەستنەی لە چوارچێوەی شەڕی ھەمەلایەنەی ئابووریی ، ھەواڵگریی و دەروونی دژی گەلی ئێران زانی .
