سەرلەشکر باقری: تۆڵەیەکی قورس چاوەڕوانی بکوژانی «فەخری زادە» دەکات
سەرۆکی ئەرکانی گشتیی ھێزە چەکدارەکانی کۆماری ئیسلامیی ئێران پێی داگرت: تۆڵەیەکی قورس چاوەڕوانی بکوژانی سەرۆکی ڕێکخراوەی توێژینەوەو داھێنانی وەزارەتی بەرەڤانی و پشتیوانیی ھێزە چەکدارەکانی ئێران دەکات.
سەرداری سەرلەشکر «موحەممەد باقری» سەرۆکی ئەرکانی گشتیی ھێزە چەکدارەکانی کۆماری ئیسلامیی ئێران لە پەیامێکدا ڕایگەیاند: جارێکی تر تیرۆریستە دڵکوێرەکانی سەربە ئیستیکباری جیھانی و ڕژێمی چەپەڵی زایونی لە ھەنگاوێکی دڕندەکارانەدا بەڕێوەبەرو چالاکێکی بواری زانستی و توێژینەوەی بەرگریکارنەی ئێرانیان شەھید کرد.
سەرلەشکر «بافڕی» تیشکی خستە سەر ئەمەی کە شەھید «موحسین فەخری زادە» لە ڕیزی بەڕێوەبەرە باڵاکانی پیشەسازیی بەرگریکارانەی ئێران بوو، ئینجا وتیشی: بەڕێزی لە ماوەی تەمەنی پڕپیت و بەرەکەتی خۆی دا ببوە سەرچاوەی خزمەتگوزاریی زۆرو توانی بووی توانایی بەرگریکارنەی وڵات بگەیەنێتە ئاستێکی جێگای قەبووڵی بەرپەرچ دانەوە.
سەرۆکی ئەرکانی گشتیی ھێزە چەکدارەکانی کۆماری ئیسلامیی ئێران پێی داگرت: تاقمە تیرۆریستەکان و فەرماندەرو فەرمانبەرانی ئەو ھەنگاوە ترسنۆکانەیە با بزانن ئەو ڕێبازەی کە شەھید «فەخری زادەکان» لە بەریان گرتووە قەت ڕاوەستانی بۆ نییە و دیارە تۆڵەسەندنەوەیەکی قورس چاوەڕوانی ئەوانیش دەکات.
