پەرلەمانی ئێران : رژێمی زایۆنی باجی تیرۆری شەھید فخری زادە ئەداتەوە
ئەندامانی مەجلسی شۆڕای ئیسلامیی ئێران وێڕای پێداگری لەسەر ئەوەی کە دەستی رژێمی پیاوکوژی زایۆنی لە تیرۆری شەھید موحسین فەخری زادە تەواو ئاشکرایە ، رایانگەیاند : دەستوپێوەندەکانی رژێمی زایۆنی بێگومان باجی ئەم رووقاییمیەی خۆیان بە شێوەی گونجاو ئەدەنەوە .
ئەندامانی پەرلەمانی ئێران رۆژی یەکشەممە لە بەیاننامەیەک دا گوتیان : کارەساتی تاڵی تیروری دوکتور موحسین فەخری زادە زانای ناڤۆکی و بەرگریی ئێران ، ھەموو خەڵکی ئێرانی خەمبار کردووە .
ئەم بەیاننامەیە دەشڵێ : ئەگەرچی دەستوپێوەندەکانی رژێمی زایۆنی ناتوانن تێبگەن کە زانستی ناڤۆکی و بەرگریی وڵات خۆجێیی بووە ، بەڵام بێگومان باجی ئەم تاوانە ئەدەنەوە .
ئەندامانی مەجلسی شۆڕای ئیسلامیی ئێران جەختیانکردەوە لەسەر پێویستیی ژیاندنەوەی پیشەسازیی ناڤۆکیی وڵات لە رێگەی کۆتایی ھێنان بە جێبەجێکردنی خۆبەخشانەی پرۆتۆکۆلی پەیوەست و رێگرتن لە درێژەی پشکنینەکانی ئاژانسی نێودەوڵەتیی وزەی ئەتۆمی .
