مەشقی ھاوبەشی شەڕی ئلێکترۆنیی ئەرتەشی ئێران لە ئەسفەھان
مەشقی ھاوبەشی «قەڵغانی ئاسمانیی_١٤٠٠» بە بەشداریی یەکە ستراتژییەکانی شەڕی ئلێکترۆنیی ھەرچوار لقەکەی ئەرتەش لە دەڤەری ناوچەی گشتیی ئەسفەھان لە ناوەڕاستی ئێران و لە پانتاییەکی بەربڵاوی وڵات دا سەرلەبەیانیی ئەمڕۆ سێ شەممە دەستی پێکرا.
لە مەشقی ھاوبەشی «قەڵغانی ئاسمانیی_١٤٠٠» کە گرینگترین پرۆڤەی ھاوبەشی بواری شەڕی ئلێکترۆنیی ئەرتەشی ئێران لە ماوەی ساڵانی ئەم دواییەیە، یەکەکانی کاردانەوەی خێراو سیستێمەکانی «جەنگاڵ»ی ھێزس زەوینی، ئاسمانی، بەرگری و دەریایی ئەرتەش لە دەڤەری ناوچەی گشتیی ئەسفەھان لە پانتاییەکی بەربڵاوی وڵات دا بە جێبەجێ کردنی تاکتیکی ھەڵمەت و بەرگری لە بواری شەڕی ئلێکترۆنی، دەستھات و تواناییەکانی خۆیانیان لەم بوارە ھەستیارو ستراتژییەدا بەکار دێنن.
لەم مەشقەدا یەکەکانی ئەرتەشی کۆماری ئیسلامیی ئێران لە بواری جۆربەجۆری زانیاریی سیگناڵی لە قەواخی شەڕێکی ئلێکترۆنیی دوولایەنەی کۆنترۆڵ کراو، ئەرکەکانیان ڕادەپەڕێنن.
