خۆبژێوی ئێران لە بەرهەم هێنانی 500 کاڵای پزیشکی
وتەبێژی حکومەتی ئێران ڕایگەیاند توانیومانە لە دروستکردنی 500 بەرهەمی پزیشکی خۆبژێو بین
کۆماری ئیسلامی ئێران سەرباری بایکۆت و گوشاری سیاسی جیهانی بە پشت بەستن بە خەڵک بەتایبەت لاوانی بلیمەت توانیویەتی لە بواری زانستی و پزیشکی دا لەمپەرەکان لادا و دەستکەوتی گەورە مسۆگەر بکات.
بە گوێرەی ڕاپۆڕتی ئیرنا عەلی بەهادوری جەهرومی وتەبێژی حکومەتی ئێران ڕۆژی سێشەمە لە پرێس کۆنفرانسێک دا ڕایگەیاند: ئێران لە بەرهەمهێنانی 500 کاڵای پزیشکی خۆبژێوە و ئەو ڕەوتە سەتی سی و پێنج گەشە سەندنی بە خۆیەوە بینیوە.
جەهرومی وتی لە پێنج ساڵی رابردوو دا 2700 بلیمەت گەڕاونەتەوە ئێران و ڕاشیگەیاند :ئەمڕۆ زیاتر لە دە هەزار بلیمەتی ئێرانی هاوکاری کۆمپانیە زانستییەکان دەکەن.
کۆمپانیە زانستییەکانی ئێران لە بەرهەمهێنانی هیندێک کاڵا کە پێشتر هاوردە دەکران سەرکەوتنی بەرچاویان هەبووە.
بە پێی ڕاگەیەندرانی جێگرایەتی زانستی و تەکنۆلۆژی نووسینگەی سەرۆککۆمارییەتی ئێران لە هەشت ساڵی ڕابردو دا ژووماری ستارتاپ و کۆمپانیە زانستییەکانی ئێران لە پەنجا کۆمپانییەوە گەیشتۆتە حەوت هەزار دانە.
