پزشکیان: کۆڕە جیهانییەکان پێش بە دووپاتبوونەوەی جەنایەتە دژۆمرۆییەکانی زایۆنییەکان بگرن
سەرۆکی کۆماری ئیسلامیی ئێران بە شەرمەزارکردنی پەلاماری دڕندانەی ڕژێمی زایۆنی بۆ سەر خوێندنگەی شوێنی نیشتەجێکرانی ئاوارە فەلەستینییەکان لە غەززە، داوای لە کۆڕە جیهانییەکان بەتایبەت ئەنجومەنی ئاسایشی ڕێکخراوی نەتەوە یەکگرتووەکان و وڵاتانی ئیسلامی کرد بە هەموو تواناوە پێش بە دووپات کرانەوەی ئەم چەشنە جەنایەتە دژەمرۆییانە بگرن.
مەسعوود پزشکیان بە هاوخەمی دەربڕین لەگەڵ بنەماڵەی شەهیدان و زەبروێکەوتووانی ئەم کارەساتە و سەرەخۆشی لە گەلی خۆڕاگری فەلەستین، فەرماندەران و خەباتکارانی بەرەی خۆڕاگری و بنەماڵە بەڕێزەکانی ئەم شەهیدانە وتی: ڕژێمی زایۆنی تەنیا لەسای داکۆکییەکانی حکومەتەکانی بانگەشەکەری مافی مرۆڤە کە دەست دەداتە ئەو ژینۆسایدە، سەرۆک کۆماری ئێران وتیشی: حکومەتەکان و ئەو ناوەندانەی لە لایەکەوە باسی دانوستان بۆ ئاشتی و ئاگربڕ دەکەن و لە لایەکی دیکەشەوە هیچ سنوور و بەرتەسکییەک ناناسن بۆ پاڵپشتی کردنی ئەم ڕژێمە خوێنڕێژە؛ لە هەموو ئەم جەنایەتانەدا هاودەست و هاوبەشی ڕژێمی منداڵکوژی زایۆنین.
پزشکیان وتیشی: بێگومان دووپات بوونەوەی ئەم جەنایەتانە پیشاندەری هەست بە داماوی و بێدەسەڵاتیی سەرانی دڕندەخوو و جەنایەتکاری ڕژێمی زایۆنییە لە هەمبەر بەرخۆدانی خەڵکی خۆڕاگری غەززە و هەروەها لەپێناو داپۆشتنی قەیران و لێنەهاتووییە ناوخۆییەکانە کە هەموو فەلەستینی داگیرکراوی گرتۆتەوە و باندی جەنایەتکاری زایۆنی بەرەو هەڵدێر پاڵ پێوە ناوە.
