سەید عەباس عەراقچی وەزیری دەرەوەی کۆماری ئیسلامیی ئێران و سەید بەدر بوسەعیدی وەزیری دەرەوەی شانشینی عومان ئەمڕۆ لە پەیوەندییەکی تەلەفۆنیدا سەبارەت بە دوایین پێشهاتەکانی ناوچەکە و پرس و بابەتی جێی سەرنجی هەردوولا بیروڕایان گۆڕییەوە.

لەم وتووێژەدا لایەنەکان پێداچوونەوەیان بە دوایین پێشهاتەکانی پەیوەست بە هاتووچۆی دەریایی لە گەرووی هورموزەوە و ئەو ڕێکخستنە کاتیانەی کرد کە بۆ ماوەیەکی ٦٠ ڕۆژە پێشبینی کراون، و جەختیشیان کرد لەسەر گرنگایەتی بەردەوامبوونی هەواهەنگی و ڕاوێژکاریی دوولایەنە و هاوکاریی تەکنیکی و پسپۆڕانە لەم بوارەدا. وەزیرانی دەرەوەی ئێران و عومان هەروەها بە دەربڕینی ڕەزامەندییان لە دەسکەوتەکانی سەفەری ئەمدواییەی شاندی ئێرانی بۆ مەسقەت و دانوستانە ئەنجامدراوەکان، پێداگریشیان کرد لەسەر پێویستیی بەردەوام کردنی وتووێژ و ڕاوێژەکانیان و بەدواداچوونی بابەتەکانی دڵخواز و گرنگ بۆ هەر دوولایەن لە ڕێگای دیپلۆماسییەوە و بە هاوکاریی بەردەوامی نێوان هەردوو وڵات.