پێشانگای پیشەی دەستی و ھۆزە ئێرانییەکان لە شاری ئیسفەهان
حەڤدەهەمین پێشانگای پیشەی دەستی، دیاری و ھۆزە ئێرانییەکان لە شوێنی هەمیشەیی پێشانگای نێودەوڵەتیی ئیسفەهان بە ئامانجی ناساندنی تواناکانی هونەرمەندانی ئێرانی بەڕێوەچوو.
بە پێی ڕاپۆرتی هەواڵدەریی ئێرانپرێس، حەڤدەهەمین پێشانگای کاری دەستی، دیاری و ھۆزە ئێرانییەکان بۆ ماوەی پێنج ڕۆژ (١ تا ٥ی مانگی مای ٢٠٢٣) لە شاری ئیسفەهان بەڕێوەبراو خەڵک و هونەرمەندان و گەشتیاران پێشوازییەکی باشیان لەم پێشانگایە کرد.
لە پێشانگای پیشە دەستییەکان و ھۆزەکانی ئێران لە شاری ئیسفەهان، هەموو جۆرە دەستکار، فەرش و گڵێمی دەستچنی ئێرانی و بەرهەمی هونەریی دیکە نمایش کران.
بوونی ڕەشماڵەکانی خێڵی قەشقایی و بەختیاری و ناساندنی شێوازی ژیان و داب و نەریتی خێڵەکە بە لێنانی خواردنی جۆربەجۆری نەریتی و نانی خۆماڵی جوانیی پێشانگای پیشە دەستییەکان و ھۆزەکانی ئێرانی زیاتر کرد.
ئامادەبوونی هونەرمەندانی خاوەنکارو ناساندنی دوایین دەستکەوتەکانیان لە بواری بەرھەمە چنراوە نەریتییەکانیش، نوێنگەیەکی تایبەتیی دیکەی پێشانگای پیشەی دەستی و ھۆزە ئێرانییەکان بوو لە شاری ئیسفەهان کە لەلایەن خەڵک و هونەرمەندانەوە پێشوازیی لێکرا.
ئینجا لەنێو تەواوی ئەمانەدا ھۆبەی تایبەت بە کوردانی سنە بە برساق و کلانەو بژی و خواردنە خۆماڵییەکانیانەوە جێی و شوێنێکی تایبەتیی ھەبوو لە نێو بەشدارانی حەڤدەهەمین پێشانگای پیشەی دەستی، دیاری و ھۆزە ئێرانییەکانی ئیسفەھان.
