توێژەرانی کۆمپانیایەکی زانستبنەچەی ئێرانی دەرمانێکی خانەییان بەرهەم هێناوە تایبەت بەو نەخۆشانەی پێویستیان بە چاندنی مۆخی ئێسقان هەیە.

"ناسر ئەقدەمی" بەڕێوەبەری کۆمپانیای زانستبنەچەی ئێرانی  سەبارەت بەم دەرمانە خانەییە تازەیە وتی: ئەم دەرمانە دەتوانێ لە کۆنترڵ کردنی سیستەمی بەرگریی جەستە کە لەرادەبەدەر چالاک بووە و دژ بە خانەکانی خۆیشی کاردانەوەی هەیە بە باشی بجوڵێتەوە و نیشانەکانی نەخۆشییەکە نەهێڵێ.

بە وتەی بەڕێوەبەری گشتیی ئەم کۆمپانیا زانستبنەچەیە، لە زیاتر لە ٦٠%ی حاڵەتەکاندا، دێسترۆسێل (دەرمانی خانەیی تازە) نەخۆشییەکە کۆنترۆڵ و یان چارەسەر دەکات و لە ١٠٠%ی حاڵەتەکانیش دەبێتە هۆی کەم بوونەوەی نیشانەکانی و نەخۆشەکە لە مردن ڕزگار دەکات.