بوومەلەرزەی 5.2 ریشتەری لە رۆژھەڵاتی تورکیا
حوزه‌یران 26, 2021 11:07 Asia/Tehran
بوومەلەرزەیەک بە گەورەیی 5.2 ریشتەر ، چەند بەشێکی رۆژھەڵاتی تورکیای ھەژاند .
بە پێی راپۆرتی ئاناتولی ، رێکخراوی بەرەنگاربوونەوەی قەیران و بەڵا سروشتیەکانی تورکیا ( ئافاد) رایگەیاند : ئەم بوومەلەرزەیە کاتژمێر 21:28 بە کاتی خۆجێیی رۆژی ھەینی لە قوڵایی 15 کیلۆمەتریی شاری کیغی پارێزگەی بینگوڵ روویدا .
بەپێی ئەم راپۆرتە ، تەوژمی بوومەلەرزەکە ئەوەندە بوو کە لە پێارێزگاکانی ئەلزیق ، ئەرزینجان و ئەرزەڕووم ھەستی پێکرا و زۆر شارومەندی تورکیا دوای بوومەلەرزەکە ھاتنە سەر شەقامەکان .
قەدیر ئەکینجی پارێزگاری بینگوڵ لە وتووێژ لە گەڵ ھەواڵدەریی ئاناتولی رایگەیاند : تا ئێستا راپۆرێک لە زیانەکانی ئەم بوومەلەرزە بڵاونەبووەتەوە .
بە وتەی ئاکینجی ھێزکانی ژاندارمە و تیمەکانی ئافاد بۆ ناوچەکە نێردراون .
