ئەردۆغان : تورکیا ئامادەیە گازی ئیسراییل بۆ ئەوروپا بگوازێتەوە
شوبات 06, 2022 14:07 Asia/Tehran
لە کاتێکدا کە میدیاکانی عەرەبی نزیک لە پارتی دادو گەشەپێدانی دەسەڵاتداری تورکیا سوورن لەسەر دوژمنایەتی نێوان ئەنقەرە و تەلئەبیب، سەرۆکی تورکیا بە ڕاشکاوی رایگەیاند کە تورکیا ئامادەیە هاوکاری ئیسرائیل بکات بۆ گواستنەوەی گازەکەی بۆ ئەوروپا.
ڕەجەب تەیب ئەرۆغان لە کاتی گەڕانەوەیدا لە سەردانەکەی بۆ ئۆکرانیا لەگەڵ ڕاگەیاندنی سەردانەکەی “ئیسحاق هێرزۆک” سەرۆکی رژێمی زایۆنی بۆ تورکیا لە ناوەڕاستی مانگی ئازاردا، ووتی: “ئێمە دەتوانین گازی ئیسرائیل بۆ بەکارهێنانی ناوخۆیی بکڕین و لەوە گرنگتر بەشداری لە هەناردەکردنی گازی ئیسرائیل بۆ ئەوروپا بکەین.”
جێی سەرنجە ئەردۆغان باش دەزانێت ئەو گازەی دەیهەوێت لە ڕێگەی وڵاتەکەیەوە لە فەلەستینی داگیرکراوەوە بۆ ئەوروپا بگوازێتەوە، گازی دزراوەی خەڵکی فەڵەستینە و داهاتەکەشی بۆ کوشتنی ئەم گەلە بەکاردێت.
