SAHAR

سەرۆک کۆماری تورکیا لە بارەی دەرەنجامی دانیشتنەکانی سبەینێ پێنج شەممەی وەزیرانی دەرەوەی ڕووسیاو ئۆکرانیا لە ئانتالیا لە ئاراستەی کۆتایی ھێنان بە شەڕی ئۆکرانیا گەشبینیی دەربڕی.

وەزیرانی دەرەوەی ڕووسیاو ئۆکرانیا بڕیارە بە ئامادە بوونی ھاوتا تورکەکەیان سبەینێ پێنج شەممە لە ئانتالیا پێکەوە دیدارو وتووێژ بکەن.

بە پێی ڕاپۆرتی ڕۆژی چوارشەممەی ئیرنا، «ڕەجەب تەیب ئەردوغان» ھیوداریی دەربڕی کە ئەم دانیشتنە ببێتە ھۆی چەسپێندرانی ئاگربڕی یەکجاری لە نێوان ئۆکرانیاو ڕووسیاو کۆتایی ھاتن بە شەڕی نێوان ھەردووک وڵات.

دەستوەردانەکانی ئەمریکاو وڵاتانی ئەورووپی لە ئۆکرانیا بووەتە ھۆی ھەڵایسانی شەڕ لەم وڵاتەداو ئۆپراسیۆنی سەربازیی ڕووسیا لە ئۆکرانیا چووەتە نێو چواردەھەمین ڕۆژی خۆیەوە.