بەردەوامیی پێشێلکرانی سەروەریی خاکی عێراق لە لایەن سوپای تورکیاوە
May 20, 2022 21:40 Asia/Tehran
لەشکریانی سوپای تورکیا لە میانەی ھەنگاوەکانی پێشێلکارانەیان دژی سەروەریی خاکی عێراق چوار کەس لە ئەندامانی پارتی کرێکارانی کوردستانیان لە باکووری ئەم وڵاتە کردە ئامانج.
بە پێی ڕاپۆرتی ھەواڵدەریی ئانادۆلۆ، وەزارەتی بەرەڤانیی تورکیا ڕۆژی ھەینی بە بڵاو کردنەوەی ڕاپۆرتێک لە بارەی پێشێلکارییە سەربازییەکانی لە باکووری عێراق ڕایگەیاند: ھێزەکانی سوپای تورکیا لە ئۆپراسیۆنی «قفڵی پەنجە» لە باکووری عێراق چوار ئەندامی پەکەکەیان کوشتووە.
لە سەرەتای دەست پێ بوونی ئۆپراسیۆنی قفڵی پەنجەوە سوپای تورکیا ھەتا ئێستا دەیان کەس لە ئەندامانی پارتی کرێکارانی کوردستانی تورکیای لە خاکی عێراق دا کوشتووە.
دەوڵەتی تورکیا لە جەنگەی قەیرانی ئابووری ساڵی ڕابردوو ١٣٥ ملوێن دۆلاری بۆ سەرەڕۆییەکانی دەرەوەی سنووری خەرج کردووە.
