بە دەستپێشخەریی پارتی دیموکراتی گەلان ژمارەیەک پارت و ڕێکخراوی سیاسیی تورکیا، بۆ هەڵبژاردنى داهاتووی ئەم وڵاتە هاوپەیمانیەتیەکیان راگەیاند .

 لەسەر دەستپێشخەری هەدەپە ، شەش پارت و رێکخراوی سیاسیی لە تورکیا کۆبوونەوە و بڕیاریاندا هاوپەیمانیەتیەک بۆ هەڵبژاردنى داهاتووی تورکیا دروست بکەن کە ئەوانیش پێکهاتوون لە ھەدەپە، پارتی ئازادیی کۆمەڵایەتی، پارتی بزووتنەوەی ڕەنجدەران، فیدراسیۆنی ئەنجومەنەکانی سۆسیالیست، پارتی کرێکارانی تورکیا و پارتی ڕەنجدەران.

بە بەشداری ھاوسەرۆکانی ھەدەپە، پەروین بوڵدان و میدحەت سەنجەر سەرۆک و نوێنەرانی ئەو پارت و رێکخراوانە لە قەزای کادکۆی ئیستەنبوڵ کۆبوونەوە و دوابەدوای کۆبوونەوەکەش لە راگەیەندراوێک دا بڵاویانکردەوە، ھاوپەیمانێتییەکیان بەناوی ھاوپەیمانیی "کار و ئازادی" پێکھێناوە.

ئاماژەیان بەوەش کرد، مانگی ئەیلولی داھاتوو کۆبوونەوەیەکی فراوانی جەماوەری رێکدەخەن و نەخشەڕێگایەک بۆ ھەڵبژاردنی داھاتووی پەرلەمانی تورکیا دەخەنەڕوو.