ناوەندی مافی مرۆڤی سه ندیکای پارێزەرانی ئانکارا هەواڵی دا لە ئەشکەنجە و ڕووت کردنەوەی بەزۆرە ملی ژنانی ناڕازی دەستگیرکراو دوابەدوای قوڵبەست کردنی ئەکرەم ئیمام ئۆغلۆ.

دوابەدوای دەستگیرکرانە ئەنجام دراوەکان لەدووی ناڕەزایەتیەکان سەبارەت بە قوڵبەستکرانی ئەکرەم ئیمام ئۆغلۆ ، شارەداری ئەستەموڵ ، ژمارەیەک لە ژنان دوای پەلاماری هێزە ئاسایشتیەکان بۆ سەر ماڵەکانیان دەستگیر کران وگوێزرانەوە بۆ ئیدارەی ئاسایشتی ئانکارا. ئەم ئافرەتانە ڕایانگەیاند کە لە گرتووخانەکان کەوتوونەتە ژێر پشکنینی جەستەیی بەزۆرەملیی وسوکایەتی پێکەرانە وئەشکەنجە وئازاری جەستەیی دراون . پارێزەرەکانیشیان لەگەڵ قەدەغەی دیداروچاوپێکەتنی گیراوەکان ڕووبە ڕوو بوونەوە. دوای ئەوە سکاڵای سزادان لە دژی سەرۆک پۆلیسی ئانکارا تۆمار کراوە.