بارینی بارانی بەخوڕلە بڕێک لە ناوچەکانی ئەنقەرەی پایتەختی تورکیا بووە هۆی هەستانی لافاو.

ناوچەکانی  سینجان و کچی ئۆەرن  بەهۆی باران بارینەکەوە زۆرترین زیانیان بەرکەوتووە ، کە ئێوارەی دوێنێ دەستیپێکرد و تا نیوەشەو بەردەوام بوو. هەرچەندە لافاوەکە زیانی دارایی لێکەوتەوە، بەڵام تا ئێستا ڕادەی  وردی  زیانەکان ڕانەگەیەندراوە. لە کاتێکدا ئەنقەرە  تووشی  باران و لافاو بووەتەوە ، زۆرێک لە ناوچەکانی تورکیا  بۆ وێنە ناوچە ڕۆژئاواییەکانی ئەو وڵاتە ڕووبەڕووی وشکەساڵی و کەمئاوی بوونە.