هەژماری قوربانیانی کرۆناڤایرۆس لە سنووری ١٠٠٠ کەس تێپەڕی
شوبات 11, 2020 08:22 Asia/Tehran
کاربەدەستانی بەشی تەندروستیی پارێزگای "هوبی"ی چین سەر لە بەیانی ئەمڕۆ سێشەممە رایانگەیاند؛ بە گیان لە دەست دانی ١٠٣ کەسی دیکە لەم پارێزگایە بە هۆی تووشبوون بە ڤایرۆسی کرۆنا؛ هەژماری قوربانیانی ئەم نەخۆشییە لە سنووری ١٠٠ کەس تێپەڕیوە.
بە پێی ڕاپۆرتی ئیرنا؛ کۆمیسیۆنی نیشتمانیی تەندروستیی چین دوێنێ دووشەممە ڕێژەی قوربانیانی ڤایرۆسی کرۆنای بە ٩٠٨ کەس ڕاگەیاندبوو.
بە پێی دوایین ڕێژە و ئامارێک کە ڕێکخراوی جیهانیی تەندروستی بڵاوی کردۆتەوە، تا ئێستا زیاتر لە ٤٠ هەزار کەس لە سەرانسەری جیهان تووشی ئەو نەخۆشییە بوون کە زۆربەی هەرە زۆری ئەو ڕێژەیە تایبەت بە وڵاتی چینە و تەنیا ٣١٩ کەس لە وڵاتانی دیکەدا تووشی ئەو نەخۆشییە بوون.
شایانی باسە تا ئێستا تەنیا یەک کەس لە دەرەوەی چین بە هۆی تووشبوون بە ڤایرۆسی نوێی کرۆنا گیانی لە دەست داوە.
