ئازەربایجان لەبەر بەردانەوەی کۆپتەرە روسیەکە داوای لێبوردنی لە روسیاکرد
تشرینی دووه‌م 09, 2020 22:28 Asia/Tehran
کۆماری ئازەربایجان ئەمشەو وێڕای دانھێنان بە بەردانەوەی کۆپتەری روسیا لەسەر ئاسمانی ئەرمەنستان ، لەمبارەوە داوای لێبوردنی لە روسیا کرد .
بە پێی راپۆرتی ئیرنا ، وەزاڕەتی دەرەوەی کۆماری ئازەربایجان لە بەیاننامەیەک دا رایگەیاند ، تەقەکردن لە کۆپتەری روسی بە ھەڵکەوت بووە .
وەزاڕەتی دەرەوەی ئازەربایجان ھەروەھا ئامادەیی باکو ی بۆ قەرەبوو کردنەوە راگەیاند .
بە پێی راگەیاندنی وەزاڕەتی دەرەوەی ئازەربایجان ، کۆپتەرە روسیەکە لە نزیک سنووری ئەرمنستان و ئازەربایجان لە فڕیندابووە .
چەند کاژێرێک لەمەوبەر کۆپتەرێکی جۆری « Mi-24» ی روسیا لە ئاسمانی ئەرمەنستان لە لایەن ئازەربایجانەوە خرایە خوارەوە .
وەزاڕەتی بەرگریی روسیا لە بەیاننامەیەک دا راگەیاند ، ئەم کۆپتەرە بە تەقەی بەرگریی ئاسمانیی بەردراوەتەوە و ھەردوو فڕۆکەوانەکەی کوژراون .
