گەرەنتیی دابین کرانی ئاسایشتی گیان و ماڵی جەماوەری ئەفغانستان لە لایەن تالیبانەوە
تاقمی تالیبان دابین کردنی ئاسایشتی گیان و ماڵی خەڵک و بەردەوامیی ئیش و کاری ئافرەتانی مامۆستاو فێرکار و قوتابیانی کچی لە ئەفغانستاندا دەستەبەر کرد.
بە پێی ڕاپۆرتی ھەواڵدەریی ئیرنا، وتەبێژی تالیبان جەختی کرد، ئەم تاقمە ئەوە گەرەنتی دەکات کە ھیچ مەترسییەک ھەڕەشە لە ماڵ و ژیان و ئابڕووی شارومەندانی ئەفغانی ناکات.
«سوھەیل شاھین» لە وتووێژێکدا لەگەڵ کەناڵی سی ئێن ئێن وتی: خەڵک نابێ ترسیان ھەبێت، ئەمە بەڵێتمەندیی ئێمەیە، ئەوانە لە ئێستادا دەتوانن لە ناوچەکانی ژێر ڕکێفی ئێمە سەیری ژیانی ئاسایی خەڵک بکەن.
وتیشی:لەم ناوچانەدا قوتابخانەو فەرمانگەکان کراوەن و کاسبکاران لە سەر ئیشی خۆیان بەردەوامن.
وتەبێژی تالیبان لە بارەی مافی ئافرەتان لە ئەفغانستانیش وتی: ئافرەتان و کچان وەکوو مامۆستاو قوتابی دەچنە قوتابخانەو ئێوە لە ماوەی چەند ڕۆژی داھاتوو ئەمە بە چاوی خۆتان دەبینن.
