رێکخراوی نەتەوەکان : زیاتر لە 120 هەزار کەس لە ئوکراین ئاوارە بوونە
شوبات 26, 2022 22:10 Asia/Tehran
ئاژانسی پەنابەرانی رێکخراوی نەتەوەکان جەختی کردووەتەوە تا ئێستا زیاتر لە 120 هەزار ئوکراینی لە دەسپێکی شەڕەوە لە ئوکراین چوونەدەر و روویان کردووەتە وڵاتانی دراوسێ .
ئەو ئاژانسە ئەمڕۆ شەممە بە راگەیاندنی ئەم بابەتە گوتیشی : بارودۆخ لە ئوکراین لەوانەیە خراپتریش بێت و رەنگە زیاتر لە 4 میلیۆن ئوکراینی بە هۆی شەڕەوە ئاوارەی وڵاتانی دیکە بن .
روسیا لە بەیانیی رۆژی پێنجشەممەوە فەرمانی هێرشی سەربازیی بۆسەر ئوکراینی دەرکرد و ئەوەش چەند رۆژ دوای ئەوە روویدا کە مسکۆ بە فەرمی سەربەخۆیی کۆماریەکانی دۆنێتسک و لۆهانسک لە رۆژهەڵاتی ئوکراینی بە فەرمی ناسی .
