دیداری بەڕێوەبەری حەوزەکانی عیلمیەی ئێران و ڕابەری کاسۆلیکەکانی جیھان
بەڕێوەبەری حەوزەکانی عیلمیەی ئێران و ڕابەری کاسۆلیکەکانی جیھان لە ڤاتیکاندا چاویان بە یەکتر کەوت.
سەردانەکەی ئایەتوڵڵا «ئەعرافی» بەڕێوەبەری حەوزەکانی عیلمیەی ئێران بۆ ئیتالیا، یەکەم پەیوەندیی فەرمیی نێوان حەوزەی عیلمیەی قوم و مەسیحییەتی کاسۆلیکە.
بە پێی ڕاپۆرتی ھەواڵدەریی ڕادیۆو تەلەفزیۆن، ئایەتوڵڵا «عەلیڕەزا ئەعرافی» بەڕێوەبەری حەوزەکانی عیلمیەی ئێران و«پاپا فرانسیس» ڕابەری کاسۆلیکەکانی جیھان لە ڤاتیکان لە دیدارەکەیاندا لە سەر گرینگایەتیی ھەڵس و کەوت و یەک ھێزمەند کردن پێیان داگرت.
ئایەتوڵڵا «ئەعرافی» و «پاپا فرانسیس» ھەروەھا ستەم و دڕندایەتی دژی خەڵکانی چەوساوەی جیھانیان ئیدانە کرد.
ئیسلام و مەسیحییەت دوو ئایینی ئاسمانیی پەیامھێنەری ئەوین، ھاوژینی، ئاشتی و دلۆڤانین، لەم ڕووەوەیە کە کۆمەڵگای موسڵمانان و مەسیحییەکان لە بارەی ڕەواندنەوەی ستەم و بەرنگار بوونەوەی ئیستیکبارو کۆڵۆنیالیستی جیھانی لە سەر بنەمای فێرکاریی ئایینی،ھەست بەئەرکمەندی دەکەن و لە بواری خەباتی دژی ملھوڕان لە تەنیشتی یەکتردان.
بێ گومان ئەمڕۆش شوێنکەوتووانی تەواوی ئایینە ئاسمانییەکان سوورن لە سەر ئەوەی کە بە پشتبەستن بە بەھا ئیلاھییەکان ڕێبازی سەربەرزی و کەرامەتی مرۆڤی بپێون.
