کاردانەوەی پیۆنگ یانگ بەرامبەر بە مەشقی کۆریای باشوور و ئەمریکا
سکرتێری پارتی دەسەڵاتداری «کرێکار»ی کۆریای باکوور، لە کاردانەوە بە مەشقی سەربازیی نێوان کۆریای باشوور و ئەمریکا، هەڕەشەی بەکارھێنانی چەکی ناڤۆکیی لەم دوو وڵاتە کرد.
«پاک جۆنگ چون» جارێکی دیکە هەڕەشەی لە ئەمریکا و کۆریای باشوور کرد و ڕایگەیاند کە لەوانەیە هێزە چەکدارەکانی کۆریای باکووری ئەرکی ستراتیژی خۆیان جێبەجێ بکەن.
سکرتێری پارتی دەسەڵاتداری «کرێکار»ی کۆریای باکووری هەڕەشەی کرد کە ئەگەر مەشقە سەربازییەکانی ئەمریکا و کۆریای باشووری بەردەوام بێت، ئەوا ئەم دوو وڵاتە ترسناکترین باج لە مێژوودا دەدەن.
ھاوکات وەزارەتی دەرەوەی کۆریای باکووری، شەوی سێ شەممە لە بەیاننامەیەکدا داوای لە ئەمریکا و کۆریای باشووری کرد کە مەشقە سەربازییەکانیان ڕابگرن.
ئەمریکا و کۆریای باشوور ڕۆژی دووشەممە بە بەشداریی سەدان فڕۆکەی شەرکەری ھەردووک لا مەشقێکی سەربازیی هاوبەشیان دەست پێ کرد.
«پیۆنگ یانگ» ئیدانەی ئەو مەشقە هاوبەشەی کرد و بە نمایشی شەڕاشۆیی و سەلماندنی سیاسەتی دوژمنکارانەی واشێنگتۆن و سیئۆل لە دژی ئەو وڵاتە ناوی برد.
