ژمارەی بریندارانی تەقینەوەکەی پاریس بۆ ٣٧ کەس بەرز بووەوە
حوزه‌یران 22, 2023 09:58 Asia/Tehran
وەزیری ناوخۆی فەرەنسا ڕایگەیاند، ژمارەی بریندارانی تەقینەوەکەی پاریس بەلایەنی کەمەوە گەیشتووەتە ٣٧ کەس.
ئێوارەی ڕۆژی چوارشەممە، بینای قوتابخانەی ئەمریکیی دیزاینی جلوبەرگ لە پاریس بە دوو تەقینەوەی گەورە کە هۆکارەکەشی نادیارە، ئاگری گرت.
وەزیری ناوخۆی فەرەنسا بە ڕاگەیاندنب ئەمەی کە ٢ کەس هێشتاش لە ژێر داروپەردوودا ماونەتەوە؛ ئەگەری دۆزینەوەی تەرمی لە ژێر داروپەردوودا ڕەت نەکردەوە.
نزیکەی ٢٧٠ ئاگرکوژێنەوە ڕەوانەی شوێنی تەقینەوەکە کران و تیمەکانی فریاگوزاری هەوڵدەدەن ھەتا ئەو دوو کەسە لە ژێر داروپەردوودا ڕزگار بکەن.
