جێگری یەکەمی نوێنەری هەمیشەیی ڕووسیا لە ڕێکخراوی نەتەوە یەکگرتووەکان وتی کە ئینگلیز دەورێکی گرینگ دەگێڕێ لە تێکدانی ئاشتی لە ئوکراین.

دیمیتری پۆلیانسکی وتی: ئینگلیز ئێستاکە دوژمنی سەرەکیی ئاشتی لە ئوکراینە. ناوبراو بە ئاماژە بەوەی کە پەلاماردرانی کۆڕسک باشترین وەڵام لە لایەن ئوکراینەوە بوو بۆ هەموو ئەو کەسانەی هیوادار بوون بەوەی کە ئاشتی لە زەین و مێشکی کاربەدەستانی ئوکرایندا بێ، راشیگەیاند: با ئەوەمان لە بیر نەچێ کە فەرمانەکەی زلەنسکی لەبارەی قەدەغەی هەرچەشنە دانوستان لەگەڵ ڕووسیا، ئێستایش هەر لە جێی خۆیەتی.

وەزیری دەرەوەی ڕووسیایش کۆسپنانەوەکانی بەرەی ڕۆژاوا لە سەر ڕێگای دانوستانەکانی نێوان ئەم وڵاتە و ئوکراینی دایە بەر ڕەخنە وگازندەوە. سێرگەیی لاڤرۆف لەمبارەوە وتی: نەیارانی دانوستانی نێوان مۆسکۆ و کییەف دەبێ لەوە تێبگەن کە هەرچی زەمان زیاتر تێپەڕێ، دەسڕاگەیشتن بە ڕێککەوتن دژوارتر دەبێ.